ଗଞ୍ଜେଇ ମାଫିଆର ଘର ଭାଙ୍ଗିଲା ପ୍ରଶାସନ

ସଇଁତଳା: ଗଞ୍ଜେଇ ମାଫିଆର ଘର ଭାଙ୍ଗିଲା ପ୍ରଶାସନ। ସଇଁତଳା ତହସିଲ ଅନ୍ତର୍ଗତ ବଡ଼ମାଲ ଗୋଳାବାରୁଦ କାରଖାନା ସମ୍ମୁଖରେ ଘନଶ୍ୟାମ ଜେନା ନାମକ ବ୍ୟକ୍ତି ବେଆଇନ ଭାବରେ ଦୀର୍ଘ ଦିନ ହେଲା ଗୋଚର ଜମିରେ ଘର କରି ରହି ଆସୁଥିଲା। ଏ ସମ୍ପର୍କରେ ସଇଁତଳା ତହସିଲରେ ମାମଲା ରୁଜୁ ହୋଇଥିଲା।

ପ୍ରଶାସନ ତରଫରୁ ବାରମ୍ବାର ନୋଟିସ ହେଲେ ମଧ୍ୟ ଘର ଖାଲି କରିବା ପାଇଁ କୌଣସି ପଦକ୍ଷେପ ନେଉନଥିଲା ଘନଶ୍ୟାମ । ୨ ମାସ ପୂର୍ବେ ତା’ ଘରୁ ବେଆଇନ ଭାବେ ଚାଲାଣ ହେବାକୁ ଥିବା ସାଢ଼େ ୬ କୁଇଣ୍ଟାଲ ଗଞ୍ଜେଇ ଜବତ କରିଥିଲା ଅବକାରୀ ବିଭାଗ । ଆଜି ପ୍ରଶାସନ ଘନଶ୍ୟାମ ଜେନାର ଘର ଭାଙ୍ଗିଛି । ଆଇନ ଶୃଙ୍ଖଳା ଆଶଙ୍କାରେ ପୋଲିସ ମୁତୟନ କରାଯାଇଥିଲା।