ହାଇଦର ଫେରାର୍ ମାମଲା, ଡ୍ୟୁଟିରେ ଥିବା କନେଷ୍ଟବଳ ସହ ଆଉ ଜଣେ ଗିରଫ

1 min read
Gangster Hyder Escape Case Police Arrested Two Including Constable On Duty

କଟକ: କଟକ ଏସସିବିରୁ କୁଖ୍ୟାତ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣାରେ ପୋଲିସର କାର୍ଯ୍ୟାନୁଷ୍ଠାନ । ୨ ଜଣଙ୍କୁ ଗିରଫ କଲା ମଙ୍ଗଳାବାଗ ଥାନା ପୋଲିସ । ହାଇଦର ଫେରାର୍ ଦିନ ଡ୍ୟୁଟିରେ ଥିବା କନେଷ୍ଟବଳ ମହମ୍ମଦ ମୌସିମ୍ ସମେତ ପୋଲିସ ଅନ୍ୟ ଜଣେ କର୍ମଚାରୀଙ୍କୁ ଗିରଫ କରିଛି ।

Gangster Hyder Escape Case Police Arrested Two Including Constable On Duty

ହାଇଦରକୁ ଫେରାର କରାଇବାରେ ଦୁହିଁଙ୍କ ଭୂମିକା ଥିବା ପୋଲିସ କହିଛନ୍ତି । କନେଷ୍ଟବଳ ମହମ୍ମଦ ମୌସିମ୍ ସହ ଜେଲ୍ ୱାର୍ଡର ଶିବ ନାରାୟଣ ନନ୍ଦଙ୍କୁ ଗିରଫ କରିଛି ମଙ୍ଗଳାବାଗ ଥାନା ପୋଲିସ । ହାଇଦର ଫେରାର୍ ମାମଲାରେ ପୋଲିସ ଏବେ ସୁଦ୍ଧା ୭ ଜଣଙ୍କୁ ଗିରଫ କଲାଣି । ଏପ୍ରିଲ୍ ୧୦ ତାରିଖରେ ଗ୍ୟାଙ୍ଗଷ୍ଟର ହାଇଦର କଟକ ଏସସିବିର ସର୍ଜରୀ ୱାର୍ଡ କ୍ୟାବିନରୁ ଫେରାର୍ ହୋଇଯାଇଥିଲା ।

ଫେରାର୍ ପରେ କଟକ କମିଶନରେଟ୍ ପୋଲିସ ପକ୍ଷରୁ ୬ ଗୋଟି ଟିମ୍ ବିଭିନ୍ନ ରାଜ୍ୟରେ ରେଡ୍ କରିଥିଲା । ଶେଷରେ ୧୫ ତାରିଖ ରାତିରେ ବାଇକରେ ଯାଉଥିବା ବେଳେ ତେଲଙ୍ଗାନାରେ ହାଇଦରକୁ ମାଡ଼ି ବସିଥିଲା ପୋଲିସ । ୧୬ରେ ବିମାନ ଯୋଗେ ଭୁବନେଶ୍ୱର ଆଣିବା ପରେ କୋର୍ଟର ହାଜର କରାଯାଇଥିଲା । ହାଇଦରକୁ ୭ ଦିନ ଲାଗି ରିମାଣ୍ଡରେ ନେବାକୁ ପୋଲିସକୁ କୋର୍ଟ ଅନୁମତି ଦେଇଥିଲେ । ତେବେ ୧୭ ତାରିଖରେ ରିମାଣ୍ଡ ଆରମ୍ଭ ପୂର୍ବରୁ ହାଇଦରର କୋଭିଡ୍ ରିପୋର୍ଟ ପଜିଟିଭ୍ ଆସିଥିଲା ।

 Gangster Hyder Escape Case Police Arrested Two Including Constable On Duty

ଏହି ମାମଲାରେ ପୋଲିସ ପୂର୍ବରୁ ହାଇଦରର ଧରମ ପୁଅ ସହ ଅନ୍ୟ ଜଣଙ୍କୁ ଗିରଫ କରିଥିଲା । ପରେ ୧୭ ତାରିଖରେ ଜଣେ ଯୁବତୀ ଯିଏକି ହାଇଦରର ଗର୍ଲଫ୍ରେଣ୍ଡ ବୋଲି କୁହାଯାଉଛି ତା’ସହ ଆଉ ୨ ଜଣଙ୍କୁ ଗିରଫ କରାଯାଇଥିଲା । ଏବେ ପୋଲିସ ଜଣେ କନେଷ୍ଟବଳ ସହ ଜେଲ ୱାର୍ଡରଙ୍କୁ ଗିରଫ କରିବା ପରେ ଗିରଫଦାରୀ ସଂଖ୍ୟା ୭କୁ ବୃଦ୍ଧି ପାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner