ଗଣମାଧ୍ୟମ ସାମ୍ନାରେ ପୋଲିସ ସୁରକ୍ଷା ଭିତରେ ମାଫିଆ ଅତିକ୍ ଓ ଭାଇ ଅସରଫକୁ ଗୁଳି ମାରି ହତ୍ୟା

ପ୍ରୟାଗରାଜ: ଉତ୍ତରପ୍ରଦେଶରେ ଦୁଇ ଜଣ ମାଫିଆଙ୍କୁ ଗୁଳି କରି ହତ୍ୟା । ଅତିକ ଓ ଅସରଫକୁ ଗୁଳି ମାରି ହତ୍ୟା । ଅତିକ ଓ ଭାଇ ଅସରଫକୁ ପ୍ରୟାଗରାଜ ମେଡିକାଲ କଲେଜ ନିକଟରେ ଗୁଳି କରି ହତ୍ୟା କରାଯାଇଛି । ମେଡିକାଲ ନିଆଯାଉଥିବା ବେଳେ ଗୁଳି ମାରି ହତ୍ୟା । ରାଜନେତାରୁ ଗୁଣ୍ଡା ପାଲଟିଥିବା ଅତିକ ଅହମ୍ମଦକୁ ହତ୍ୟା । କିଛି ଦିନ ତଳେ ଅତିକର ପୁଅକୁ ଏନକାଉଣ୍ଟର କରାଯାଇଥିଲା ।

ଉମେଶ ପାଲ ହତ୍ୟାକାଣ୍ଡରେ ମୁଖ୍ୟ ଅଭିଯୁକ୍ତ ଥିଲା ଅତିକ୍ । ସୂଚନା ମୁତାବକ କେହି ହଠାତ ପଛପଟୁ ଆସି ଗୁଳି କରି ପଳାଇଥିଲେ । ପୋଲିସ ଗିରଫ କରିପାରିନଥିଲା । ଡିସିପିଙ୍କ କହିବା ଅନୁସାରେ, ମାମଲାରେ ବର୍ତ୍ତମାନ ତିନି ଜଣଙ୍କୁ ଗିରଫ କରାଯାଇଛି । ଏହା ବ୍ୟତୀତ ସେ ଆଉ କିଛି କହିବା ପାଇଁ ମନା କରିଦେଇଥିଲେ । ଦୁଇ ଅଭିଯୁକ୍ତଙ୍କୁ ମେଡିକାଲ ଯାଞ୍ଚ ପାଇଁ ପ୍ରୟାଗରାଜ ମେଡିକାଲ ନିଆଯାଉଥିଲା । ସେମାନେ ଗଣମାଧ୍ୟମକୁ ପ୍ରତିକ୍ରିୟା ଦେଉଥିଲେ ।

ଏହି ସମୟରେ ଅଚନାକ କିଛି ଲୋକ ଆସିଥିଲେ ଏବଂ ଅତିକଙ୍କ ମୁଣ୍ଡରେ ଗନ୍ ରଖି ଫାୟାରିଙ୍ଗ କରିଥିଲେ ଏବଂ ଏହାପରେ ଅସରଫ ଉପରକୁ ଫାୟାରିଙ୍ଗ କରିଥିଲା । କୁହାଯାଉଛି ଯେ ମୋଟ୍ ୧୦ ରାଉଣ୍ଡ ଫାୟାରିଙ୍ଗ ହୋଇଥିଲା । ଏହି ମାମଲାରେ ଜଣେ ପୋଲିସ କର୍ମଚାରୀ ମଧ୍ୟ ଆହତ ହୋଇଛନ୍ତି । ଆକ୍ରମଣ କରିବା ପୂର୍ବରୁ କିଛି ଲୋକ ନାରାବାଜୀ ମଧ୍ୟ କରିଥିଲେ । ପୋଲିସ କହିବା ମୁତାବକ, ମାମଲାରେ ଗିରଫ ତିନି ଅଭିଯୁକ୍ତ ସାମ୍ବାଦିକଙ୍କ ଭିଡ ଭିତରୁ ବାହାରିଥିଲେ ଏବଂ ଅତିକ ଓ ଅସରଫକୁ ଗୁଳି କରି ହତ୍ୟା କରିବା ପରେ ନିଜ ହାତ ଉପରକୁ ଟେକି ଆତ୍ମସମର୍ପଣ କରିଥିଲେ ।

ଉଲ୍ଲେଖଯୋଗ୍ୟ ଯେ, ପ୍ରୟାଗରାଜର ମୁଖ୍ୟ ନ୍ୟାୟିକ ମାଜିଷ୍ଟ୍ରେଟ ଦିନେଶ ଗୌତମଙ୍କ କୋର୍ଟ ଉମେଶ ପାଲ ହତ୍ୟା ମାମଲାରେ ଗୁରୁବାର ଅତିକ ଏବଂ ଅସରଫକୁ ୧୩ ଏପ୍ରିଲରୁ ୧୭ ଏପ୍ରିଲ ପର୍ଯ୍ୟନ୍ତ ପୋଲିସ ରିମାଣ୍ଡରେ ପଠାଇ ଦେଇଥିଲେ ।