ପୁରୀରେ ଗଣଦୁଷ୍କର୍ମ ଅଭିଯୋଗ, ନିମାପଡ଼ାରୁ ଲିଫ୍ଟ ବାହାନାରେ ଉଠାଇ ନେଇଥିଲେ ୪ ଯୁବକ

ପୁରୀ : ଶ୍ରୀକ୍ଷେତ୍ରରେ ପୁଣି ଲଜ୍ୟା । ବଦନାମ୍ ହୋଇଛି ବର୍ଦ୍ଦି । ପୁରୀର ଝାଡ଼େଶ୍ୱରୀ ମନ୍ଦିର ନିକଟରେ ଯୁବତୀଙ୍କୁ ଗଣଦୁଷ୍କର୍ମ ଅଭିଯୋଗ। ଏ ନେଇ କୁମ୍ଭାରପଡ଼ା ପୋଲିସର ଜନାଘନା ଜାରି ।

ସୂଚନା ଅନୁସାରେ, କାକଟପୁର ଅଞ୍ଚଳର ଜଣେ ଯୁବତୀ ୩ ଦିନ ତଳେ ନିଜ ଘରକୁ ଯିବା ପାଇଁ ନିମାପଡ଼ା ଛକରେ ଅପେକ୍ଷା କରିଥିଲେ । ଏହି ସମୟରେ ୪ ଜଣ ଯୁବକ ପୋଲିସର ପରିଚୟ ଦେଇ ତାଙ୍କୁ ଏକ କାରରେ ଲିଫ୍ଟ ଦେଇଥିଲେ । କହିଥିଲେ ଘରେ ଛାଡ଼ିଦେବେ ବୋଲି । କିନ୍ତୁ ସେମାନେ କାକଟପୁର ନଯାଇ ପୁରୀ ଯାଇଥିଲେ । ଝାଡ଼େଶ୍ୱରୀ ମନ୍ଦିର ନିକଟରେ ଥିବା ପୋଲିସ କ୍ୱାଟରରେ ଯୁବତୀଙ୍କ ସହ ୨ ଜଣ ଦୁଷ୍କର୍ମ କରିଥିବା ସେ ଅଭିଯୋଗ କରିଛନ୍ତି ।

କୁମ୍ଭାରପଡ଼ା ଥାନାରେ ଯୁବତୀ ଅଭିଯୋଗ କରିବା ପରେ ପୁରୀ ପୋଲିସ ଘଟଣାକୁ ଗୁରୁତର ସହ ନେଇଛି । ଛାନ୍ ଭିନ୍ ଜାରି ରହିଛି । ଘଟଣା ସମୟରେ ଜଣଙ୍କ ପର୍ସକୁ ଅକ୍ତିଆର କରିଥିଲେ ଯୁବତୀ । ପୋଲିସ କ୍ୱାଟରରେ ଦୁଷ୍କର୍ମ ହୋଇଥିବା ଅଭିଯୋଗ । ଏଥିରେ ଜଣେ ପୋଲିସ କର୍ମଚାରୀ ମଧ୍ୟ ସାମିଲ ଥିବା ଆଲୋଚନା ହେଉଛି ।