ଗଣେଶ ପୂଜା ପାଇଁ କଟକଣା, କରୋନା ପାଇଁ ସର୍ବସାଧାରଣରେ ହେବ ନାହିଁ ଗଣେଶ ପୂଜା

କଟକ: କରୋନା କହରରେ ପୁରା ଦେଶ । ବନ୍ଦ ହେବାକୁ ଲାଗିଛି ଗୋଟିଏ ପରେ ଗେଟିଏ ପର୍ବ । କରୋନାର ନାଲି କିଟମିଟ ଆଖି ଏବେ ଆମ ସଂସ୍କୃତି ଏବଂ ପରମ୍ପରା ଉପରେ ପଡ଼ିବାକୁ ଲାଗିଲାଣି । ଦେଶରେ ବିଭିନ୍ନ ପ୍ରକାରର ପୂଜା ପାର୍ବଣ ଏବେ ଧିରେ ଧିରେ ହୋଇ କରୋନା ଡ଼ରରେ ବନ୍ଦ ହେଲାଣି । ପୂର୍ବରୁ ମୁମ୍ବାଇରେ ବିଶ୍ୱ ପ୍ରସିଦ୍ଧ ଗଣେଶ ପୂଜା ହେବ ନାହିଁ ବୋଲି ସୁଚନା ମିଳିଥିଲା  । ଆଉ ଏବେ କଟକରେ ।

କଟକରେ ପୂଜା ହେବ କିନ୍ତୁ ସର୍ବସାଧାରଣର ହେବ ନାହିଁ ଗଣେଶ ପୂଜା । କ୍ଲବ କିମ୍ବା ଶିକ୍ଷାନୁଷ୍ଠାନରେହ କରାଯାଇପାରିବନି ପୂଜା । ପୂଜକଙ୍କୁ ନଡାକି ନିଜ ଘର ଭିତରେ ରହି ପୂଜା କରିବାକୁ କଟକଣା ଜାରି କରିଛି କଟକ ପ୍ରଶାସନ । ସେହିଭଳି ଦେବୀ ଦୂର୍ଗାଙ୍କ ମୃଣ୍ମୟୀ ମୃତ୍ତି ପାଇଁ କଟକଣା ଭିତରେ ଉଠାପାରିବେ ମାଟି । ପାର୍ବଣରେ ପୂଜାକୁ ନେଇ  ଶାନ୍ତି କମିଟି, ଓ ପୂଜା କମିଟି ସହ ଆଲୋଚନା ପରେ ଏହି ନିସ୍ପତି ନିଆଯାଇଛି  । ତେବେ ଶାରଦୀୟ ଦୂର୍ଗାପୂଜା ନେଇ ପରବର୍ତ୍ତୀ ବୈଠକରେ ନିଷ୍ପତି ନିଆଯିବ ବୋଲି ସୂଚନା ଦେଲେ କଟକ ଡିସିପି ପ୍ରତୀକ ସିଂ