ପେଣ୍ଡାଲରୁ ଗଣେଶ ମୂର୍ତ୍ତି ଚୋରି, ଥାନାର ଦ୍ବାରସ୍ଥ ହେଲେ କମିଟି ସଦସ୍ୟ

କଣ୍ଟାବାଞ୍ଜି: ଧୂମଧାମନରେ ପାଳନ ହେଲା ଗଣେଶ ପୂଜା । ପୂରା ଗାଁରେ ଉତ୍ସାହର ମାହୋଲ । ଆଜି ହୋଇଥାନ୍ତା ବିସର୍ଜନ । ସମସ୍ତଙ୍କ ମନରେ ଥିଲା ଉତ୍ସାହ । ହେଲେ ବିଳମ୍ବିତ ରାତିରେ ପୂଜା ମଣ୍ଡପକୁ ଦେଖି ଗାଁର ପିଲାଠୁ ବୟସ୍କ ସମସ୍ତଙ୍କ ମଧ୍ୟରେ ଖେଳି ଯାଇଥିଲା ବିଷାଦ । କାରଣ ମଣ୍ଡପରୁ ଚୋରି ହୋଇ ଯାଇଥିଲା ମୂର୍ତ୍ତି । ଏମିତି ଏକ ଘଟଣା ଘଟିଛି କଣ୍ଟାବାଞ୍ଜି ବଙ୍ଗୋମୁଣ୍ଡା ଥାନା ଗୋହିରାପଦର ଗାଁରେ । ଏନେଇ ଥାନାର ଦ୍ବାରସ୍ଥ ହୋଇଛନ୍ତି ପୂଜା କମିଟି ସଦସ୍ୟ ।

କମିଟି ସଦସ୍ୟଙ୍କ କହିବା ଅନୁସାରେ, ଗତକାଲି ରାତିରେ ବଙ୍ଗୋମୁଣ୍ଡାର ଅନ୍ୟ ଏକ ସ୍ଥାନରେ ଗଣେଶ ପୂଜା ପାଇଁ ସାଂସ୍କୃତିକ କାର୍ଯ୍ୟକ୍ରମ ହେଉଥିଲା । ଏହାକୁ ଦେଖିବାକୁ କମିଟି ସଦସ୍ୟମାନେ ଯାଇଥିଲେ । ବିଳମ୍ବିତ ରାତିରେ ଫେରି ପେଣ୍ଡାଲରେ ବିଘ୍ନରାଜଙ୍କ ମୂର୍ତ୍ତି ନଥିବା ଦେଖିବାକୁ ପାଇଥିଲେ । ପୋଲିସ ଏତଲା ଗ୍ରହଣ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।