ଧାନକିଣାରେ ଅନିୟମିତତା ଅଭିଯୋଗ, ରାଜରାସ୍ତାରେ ଗର୍ଜିଲେ ଶହ ଶହ ଚାଷୀ

ଗଜପତି : ଗଜପତିରେ ଧାନକିଣାରେ ଅନିୟମିତତା ଅଭିଯୋଗ । ରାଜରାସ୍ତାରେ ଗର୍ଜିଲେ ଶହ ଶହ ଚାଷୀ । ସକାଳ ୧୦ ଠାରୁ ପାରଳାଖେମୁଣ୍ଡିର ଉପଲଡା ଠାରେ ରାସ୍ତା ଅବରୋଧ କରି ବିକ୍ଷୋଭ ପ୍ରଦର୍ଶନ କରୁଛନ୍ତି ଚାଷୀ । ମୁଖ୍ୟମନ୍ତ୍ରୀଙ୍କ ଗଜପତି ଜିଲ୍ଲା ଗସ୍ତକୁ ପାଖାପାଖି ମାସେ ବିତିବାକୁ ଗଲାଣି କିନ୍ତୁ ସହାୟତା ଘୋଷଣା ହେଲାନାହିଁ । ଏହାସହ ପୂର୍ବ ବର୍ଷର ଚାଉଳ ମିଲରଙ୍କ ଠାରୁ ନେଇ ନାହଁ ଯୋଗାଣ ବିଭାଗ । ସେହିପରି ପୂର୍ବ ବର୍ଷ ଠାରୁ କମ ଧାନର ଟୋକନ ଆସିବା ଏବଂ ମଣ୍ଡିରେ ଧାନ ସୁରକ୍ଷିତ ରଖିବାପାଇଁ ବ୍ୟବସ୍ଥା ନଥିବା ଅଭିଯୋଗରେ ଗର୍ଜିଛନ୍ତି ଚାଷୀ । ପ୍ରଶାସନିକ ଅଧିକାରୀ ଓ ତହସିଲଦାରଙ୍କୁ ଅଟକାଇ ରାଜରାସ୍ତାରେ ଅଡ଼ି ବସିଛନ୍ତି ଚାଷୀ । ଫଳରେ ରାସ୍ତାର ଉଭୟ ପାର୍ଶ୍ଵରେ ଶହଶହ ଗାଡ଼ି ଅଟକି ରହିଛି । ଯାତାୟତ ଠପ୍ ହୋଇରହିଛି ।