ଅନ୍ଧାର ରାସ୍ତାରୁ ୮୦ ଲକ୍ଷ ଟଙ୍କାର ଗଞ୍ଜେଇ ଜବତ, ୨ ଗିରଫ

ମୋହନା: ଅନ୍ଧାରର ସୁଯୋଗ ନେଇ ଚୋରା ଚାଲାଣ । ବେଆଇନ୍ ଗଞ୍ଜେଇ ଚାଲାଣ ବେଳେ ପୋଲିସ ହାତରେ ଧରାପଡ଼ିଲେ ୨ ଅଭିଯୁକ୍ତ । ଗଜପତି ଜିଲ୍ଲା ଅଡ଼ବା ଥାନା ପୋଲିସକୁ ମିଳିଛି ବଡ଼ ସଫଳତା । ପାଟ୍ରୋଲିଂ ବେଳେ ପୋଲିସ ବଡ଼ ଧରଣର ଗଞ୍ଜେଇ ଚାଲାଣକୁ ଧରିଛି । ରବିବାର ସନ୍ଧ୍ୟା ପ୍ରାୟ ୫ଟା ୩୦ ବେଳେ ପୋଲିସ ଛୁଡ଼ଙ୍ଗପୁର, କେଶରୀଗୁଡ଼ା ଅଞ୍ଚଳରେ ପାଟ୍ରୋଲିଂ କରିଥିଲେ । ସେହି ସମୟରେ ଉକ୍ତ ରାସ୍ତା ଦ୍ରୁତଗତିରେ ଯାଉଥିଲେ ଏକ ପିକଅପ୍ ଭ୍ୟାନ୍ ।

ପୋଲିସର ସନ୍ଦେହ ହେବାରୁ ଗାଡ଼ିକୁ ଯାଞ୍ଚ ପାଇଁ ଅଟକାଇଥିଲା । ଆଉ ଯାଞ୍ଚ ପରେ ମିଳଥିବା ୧୬ କ୍ୱିଣ୍ଟାଲର ସବୁଜ ଜହର । ପୋଲିସ ଘଟଣାରେ ୨ ଜଣଙ୍କୁ ଗିରଫ କରିଛି । ଗିରଫ ୨ ଜଣ ଗଞ୍ଜାମ ଜିଲ୍ଲା କଂସାମାରୀ ଗାଁର ଏସ୍. ଡିଲେସ ଦୋରା ଓ ଧରମପୁର ଗାଁର ସନ୍ତୋଷ ସାହୁ । ଜବତ ଗଞ୍ଜେଇର ଆନୁମାନିକ ମୂଲ୍ୟ ୮୦ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଆସନ୍ତାକାଲି ୨ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ।

Leave a Reply