ଗେଲ ଇଣ୍ଡିଆ ପକ୍ଷରୁ ସିଏନଜି ଅଟୋ ଏବଂ କାର ରାଲି ଆୟୋଜିତ

ଭୁବନେଶ୍ୱର: ଗେଲ ଇଣ୍ଡିଆ ପକ୍ଷରୁ ସିଏନଜି ଅଟୋ ଏବଂ କାର ରାଲି ଆୟୋଜିତ । ବରମୁଣ୍ଡା ପଡ଼ିଆ ଠାରେ ଆୟୋଜିତ ଏହି ରାଲିରେ ଅନେକ କାର ଓ ଅଟୋ ଅଂଶଗ୍ରହଣ କରିଥିଲେ । ତେଲ ଓ ଗ୍ୟାସ ସଂରକ୍ଷଣ ସଚେତନତା ଅଭିଯାନ କୁ ନେଇ ଗେଲ ଇଣ୍ଡିଆ ଲିମିଟେଡ଼ ପକ୍ଷରୁ ଏହି ରାଲି ଯାହାର ନାମ ସକ୍ଷମ ୨୦୨୧ ଆୟୋଜିତ କରାଯାଇଛି । ମୁଖ୍ୟତଃ ଗ୍ରୀନ ଓ କ୍ଲିନ ଏନର୍ଜିକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଏହି ରାଲି ଆୟୋଜିତ ହୋଇଛି ।

ରାଲିଟି ବରମୁଣ୍ଡାରୁ ବାହାରି ରସୁଲଗଡ଼ ଯାଇ ପୁଣି ବରମୁଣ୍ଡା ପଡିଆ ଫେରିଥିଲା। କାର୍ଯ୍ୟକ୍ରମରେ ପୂର୍ବତନ କ୍ରିକେଟର ଦେବାଶିଷ ମହାନ୍ତି, ଅଭିନେତ୍ରୀ ଅର୍ଚ୍ଚିତା ସାହୁ, ସିଜିଏମ୍ କନଷ୍ଟ୍ରକସନ୍ ଦୀନବନ୍ଧୁ ସୋରେନ ମୁଖ୍ୟ ଅତିଥି ଭାବେ ଯୋଗଦେବା ସହ ଫ୍ଲାଗ ଅଫ କରି ଅଟୋ କାର ରାଲିକୁ ଆରମ୍ଭ କରିଥିଲେ ।