ଫିଲ୍ମ ଗଦ୍ଦାର-୨ ମାଧ୍ୟମରେ ପୁଣି ପରଦାରେ ଦେଖାଦେବେ ସନ୍ନି-ଅମିଷା

ଦିଲ୍ଲୀ : ଆସୁଛି ଗଦ୍ଦର-୨ । ଆରମ୍ଭ ହୋଇଛି ଫିଲ୍ମର ସୁଟିଂ । ଖୁବ୍ ଶୀଘ୍ର ପରଦାକୁ ଆସିବ ଏହି ସୁପରହିଟ୍ ଚଳଚ୍ଚିତ୍ରର ପାର୍ଟ-୨ । ୨୦୦୧ରେ ରିଲିଜ୍ ହୋଇଥିବା ସୁପରହିଟ୍ ଚଳଚ୍ଚିତ୍ର ‘ଗଦ୍ଦର’ ଚଳଚ୍ଚିତ୍ର ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା । ଏଥିରେ ସନ୍ନି ଏବଂ ଅମିଷା ଚମତ୍କାର ଅଭିନୟ କରିଥିଲେ । ବର୍ତ୍ତମାନ ଏହାର ଦ୍ୱିତୀୟ ଭାଗର ସୁଟିଂ ଆରମ୍ଭ ହୋଇଯାଇଛି । ଉଭୟ ସନ୍ନି ଦେଓଲ ଏବଂ ଅମିଷା ପଟ୍ଟେଲ ସୁଟିଂ ସେଟରେ ବ୍ୟସ୍ତ ଥିବା ଦେଖାଯାଉଛି । ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗୁଛି ।  ଗଦ୍ଦର-୨ କାହାଣୀର ଲେଖକ ତରଣ ଆଦର୍ଶ ଥିବା ବେଳେ ଅନିଲ ଶର୍ମା ଚଳଚ୍ଚିତ୍ରର ନିର୍ଦ୍ଦେଶନା କରିଛନ୍ତି । ଚଳଚ୍ଚିତ୍ରଟିକୁ ଜି ଷ୍ଟୁଡିଓ ଓ ଅନିଲ ଶର୍ମା ପ୍ରଯୋଜନା କରିଛନ୍ତି ।

ସନ୍ନି ଦେଓଲ ମଧ୍ୟ ସୁଟିଂ ସେଟରେ କେତେକ ଫଟୋ ନିଜ ଇନଷ୍ଟା ଆକାଉଣ୍ଟରେ ସେୟାର କରିଛନ୍ତି । ଗଦ୍ଦର-୨ ଆରମ୍ଭ ହେଉଥିବା ସେ ଏଥିରେ ସ୍ପଷ୍ଟ କରିଛନ୍ତି । ସନ୍ନି ନିଜ ଇନଷ୍ଟା ଆକାଉଣ୍ଟରେ ଫିଲ୍ମର ପୋଷ୍ଟର ଛାଡ଼ିବା ପରେ ଦର୍ଶକ ଖୁବ୍ ଉତ୍ସାହିତ ଅଛନ୍ତି । ଏହାର ପ୍ରଥମ ଭାଗ ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା । ଏବେ ଏହାର ଦ୍ୱିତୀୟ ଭାଗର ରିଲିଜ୍ ପାଇଁ ଦର୍ଶକ ଅପେକ୍ଷାରେ ।