ବିଶ୍ବବ୍ୟାପି କଲେକ୍ସନ, ’ଗଦର-୨’ଠାରୁ ଆଗରେ ରହିଛି ’ଜେଲର’

ନନ୍ଦିଘୋଷ ବ୍ୟୁରୋ: ବକ୍ସ ଅଫିସରେ ରାଜ କରୁଛି ’ଗଦର-୨’ । ସନ୍ନି ଦେଓ୍ବଲଙ୍କ ଅଭିନୀତ ଏହି ଫିଲ୍ମକୁ ସଫଳତା ମିଳିଥିବା ସହ ଭଲ ରୋଜଗାର ମଧ୍ୟ କରୁଛି । ଭାରତରେ ଏହି ଫିଲ୍ମ ବ୍ୟବସାୟ ଭଲ କରିଛି । କିନ୍ତୁ ବିଶ୍ବବ୍ୟାପୀ କଲେକ୍ସନରେ ରଜନୀକାନ୍ତଙ୍କ ଫିଲ୍ମ ’ଜେଲର’ଠାରୁ ପଛରେ ରହିଛି ’ଗଦର-୨’ । ଜେଲର ରିଲିଜର ଅଷ୍ଟମ ଦିନ ସୁଦ୍ଧା ବିଶ୍ବବ୍ୟାପି ୪୧୬ କୋଟି ଟଙ୍କା ରୋଜଗାର କରିପାରିଛି । କିନ୍ତୁ ଏଯାବତ ’ଗଦର-୨’ ୩୩୮.୫ କୋଟି ଟଙ୍କା ଆୟ କରିପାରିଛି । ରିଲିଜର ଅଷ୍ଟମ ଦିନରେ ଅଥବା ଗୁରୁବାର ଭାରତରେ ଜେଲର ୧୦ କୋଟି ଟଙ୍କା ଆୟ କରିପାରିଛି । ସେପଟେ ବିଶ୍ବବ୍ୟାପୀ କଲେକ୍ସନରେ କମଲ ହାସନଙ୍କ ଫିଲ୍ମ ’ବିକ୍ରମ’କୁ ପଛରେ ପକାଇଛି ଜେଲର । ବିକ୍ରମ ୪୧୦ କୋଟି ରୋଜଗାର କରିଥିବାବେଳେ ଜେଲର ଏଯାବତ ୪୧୬ କୋଟି ସଂଗ୍ରହ କରିପାରିଛି ।