ଆଜିଠୁ ଭୁବନେଶ୍ୱରରେ G-20ର ତୃତୀୟ ଶିକ୍ଷା ବୈଠକ
1 min read
ଭୁବନେଶ୍ୱର: ଆଜିଠୁ ଭୁବନେଶ୍ବରରେ ଅନୁଷ୍ଠିତ ହେବ G-20ର ତୃତୀୟ ଶିକ୍ଷା ବୈଠକ । ଆଜିଠୁ ତିନିଦିନ ଧରି ହେବାକୁ ଥିବା ଏହି ବୈଠକରେ 27ଟି ଦେଶର 63 ଜଣ ପ୍ରତିନିଧି ଯୋଗଦେବେ । ଏହା ପୂର୍ବରୁ G-20ର ଭାରତ ଅଧ୍ୟକ୍ଷତା କାହିଁକି କରୁଛି, ସେ ନେଇ ଉତ୍କଳ ଦିବସରୁ ଜନ ଭାଗିଦାରୀ କାର୍ଯ୍ୟକ୍ରମ ହୋଇଛି ।
ତିନି ଦିନିଆ ବୈଠକରେ ଶିକ୍ଷାରେ ଦକ୍ଷତା ବିକାଶ, ଶିକ୍ଷାରେ ବୈଷୟିକ ଜ୍ଞାନ କୌଶଳର ବିକାଶ ବାବଦରେ ବିସ୍ତୃତ ଭାବେ ଆଲୋଚନା ହେବ । ଦକ୍ଷତା ବିକାଶ ସ୍କୁଲ ସିଲାବସରେ ସାମିଲ ହେବ । ଏବେ ନବମରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ପାଠ୍ୟକ୍ରମରେ ସାମିଲ ଥିବା ବେଳେ ଷଷ୍ଠ ଶ୍ରେଣୀରୁ ଦକ୍ଷତା ବିକାଶ ପାଠ୍ୟକ୍ରମ ବି ସାମିଲ ହେବ ।
