ଆତ୍ମସମର୍ପଣ କଲା ଅମୃତପାଲ, ପଞ୍ଜାବ ମୋଗା ପୋଲିସ ନିକଟରେ ଆତ୍ମସମର୍ପଣ
1 min read
ଚଣ୍ଡିଗଡ଼: ସରିଲା ଲୁଚକାଳି ଖେଳ । ଗିରଫ ହେଲା ଓ୍ବାରିସ ପଞ୍ଜାବ ଦେ ମୁଖ୍ୟ ଅମ୍ରିତପାଲ ସିଂ । ପଞ୍ଜାବ ମୋଗା ପୋଲିସ ନିକଟରେ ଆତ୍ମସମର୍ପଣ କରିଛି ପଳାତକ ଅମ୍ରିତପାଲ । ଗିରଫ ପରେ ତାକୁ ଏକ ସ୍ବତନ୍ତ୍ର ବିମାନ ଯୋଗେ ବଠିଣ୍ଡାରୁ ଆସାମର ଡିବ୍ରୁଗଡ଼ ଜେଲକୁ ନିଆଯାଉଛି । ଅଜନାଲା କାଣ୍ଡ ପରଠୁ ୩୬ଦିନ ଧରି ଫେରାର ହୋଇଯାଇଥିଲା ଅମ୍ରିତପାଲ ସିଂ।
ଡିବ୍ରୁଗଡ଼ ଜେଲରେ NIA ଓ IB ଟିମ୍ ଅମ୍ରିତପାଲକୁ ପଚରାଉଚୁରା କରିବ । ପଞ୍ଜାବ ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନଙ୍କ ତତ୍ତ୍ବାବଧାନରେ ଅମ୍ରିତପାଳକୁ ଧରିବାକୁ ଅପରେସନ ଚଳାଇଥିଲା ପୋଲିସ । ଅପରେସନ ସମ୍ପର୍କରେ ପଞ୍ଜାବ ପୋଲିସ ଲଗାତାର ମୁଖ୍ୟମନ୍ତ୍ରୀଙ୍କୁ ସୂଚନା ଦେଉଥିଲା । ପଳାତକ ଅମୃତପାଲର ଆତ୍ମସମର୍ପଣ ପୂର୍ବର ଏକ ଭିଡ଼ିଓ ସାମ୍ନାକୁ ଆସିଛି । ଯେଉଁଥିରେ ଅମୃତପାଲ ପ୍ରବଚନ ଦେଉଥିବାର ଦେଖିବାକୁ ମିଲିଛି ।
ଉତ୍ତରପ୍ରଦେଶର ଲଖିମପୁର ଖେରୀ ରାସ୍ତା ଦେଇ ନେପାଳ ଖସିଯାଇଥିବା ଚର୍ଚ୍ଚା ହେଉଥିଲା । ଏଥିପାଇଁ ପଞ୍ଜାବ, ହରିୟାଣା, ଦିଲ୍ଲୀ, ଉତ୍ତରାଖଣ୍ଡ ପରେ ନେପାଳରେ ମଧ୍ୟ ପୋଲିସ ପକ୍ଷରୁ ସର୍ଚ୍ଚ ଅପରେସନ ଚାଲିଥିଲା । ୨୦ ମାର୍ଚ୍ଚରେ ଅମୃତପାଳ ହରିୟାଣାରେ ଥିବା ସ୍ପଷ୍ଟ ହୋଇଥିଲା । ପରେ ପରେ ୨୩ ମାର୍ଚ୍ଚରେ ଲଖିମପୁରରେ ମଧ୍ୟ ଅମୃତପାଲ ଟୋପି ପିନ୍ଧି ବୁଲୁଥିବା ଫଟୋ ଭାଇରାଲ ହୋଇଥିଲା ।
ସବୁ ଚର୍ଚ୍ଚାର ଅନ୍ତ ଘଟାଇ ଅମ୍ରିତପାଲ ସରେଣ୍ଡର କରିବା ପରେ ପୋଲିସ ତାକୁ ଗିରଫ କରିଛି । ଅମ୍ରିତପାଲ ସିଂ ଜଣେ ଖଲିସ୍ଥାନୀ ନେତା । ଓ୍ବାରିସ ପଞ୍ଜାବ ଦି ନାମକ ଏକ ସଂଗଠନର ମୁଖିଆ ହେଉଛି ଅମ୍ରିତପାଲ । ଦୀପ ସିନ୍ଧୁଙ୍କ ଅଚାନକ ମୃତ୍ୟୁ ପରେ ୪ ମାର୍ଚ୍ଚ ୨୦୨୨ରେ ପଦ ସମ୍ଭାଳିଥିଲା ଅମ୍ରିତପାଲ । ଅମ୍ରିତପାଲର ଗିରଫଦାରୀ ପରେ ପଞ୍ଜାବରେ ପୋଲିସ ଆଲର୍ଟରେ ରହିଛି । ଗୁଜବ ପ୍ରଚାର ନକରିବାକୁ ଅପିଲ କରାଯାଇଥିବା ବେଳେ ହିଂସା ସୃଷ୍ଟିକାରୀଙ୍କ ଉପରେ କଡ଼ା ନଜର ରଖିଛି ପୋଲିସ । …
