ବନ୍ୟା ପରେ ଏବେ ଘାରିଛ ଝାଡ଼ାବାନ୍ତି ଚିନ୍ତା

ଯାଜପୁର: ବନ୍ୟା ପ୍ରଭାବରେ ଉବୁଟୁବୁ ହେଲା ଅଧା ଓଡ଼ିଶା । ବର୍ଷା କମିବା ପରେ ଏବେ ପାଣି ଛାଡ଼ିଯାଇଛି । ହେଲେ ଏବେ ମଧ୍ୟ ରାଜ୍ୟର କିଛି ଅଞ୍ଚଳ ବନ୍ୟା ପାଣିରେ ବୁଡ଼ି ରହିଛି । ତେବେ ବନ୍ୟାରେ ଅଧିକ ପ୍ରଭାବିତ ହୋଇଥିବା ଜିଲ୍ଲା ମଧ୍ୟରେ ଯାଜପୁର ରହିଛି । ଯାଜପୁର ଦଶରଥପୁରରେ ବନ୍ୟା ପରେ ଏବେ ଝାଡାବାନ୍ତି ଆତଙ୍କ ଦେଖିବକୁ ମିଳିଛି । କମାରିଢ଼ିହ ପଂଚାୟତ ସହିମାଢ଼ରେ ୧୨ ଜଣ ଲୋକ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି । ସମସ୍ତଙ୍କୁ ମଙ୍ଗଳପୁର ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଗାଁର ଆହୁରି ୫୦ରୁ ଅଧିକ ଲୋକ ଆକ୍ରାନ୍ତ ଥିବା ସୂଚନା ମିଳିଛି ।  ଗାଁରେ ସ୍ୱାସ୍ଥ୍ୟ ବିଭାଗ ଟିମ ପହଞ୍ଚି ଲୋକଙ୍କ ସ୍ୱାସ୍ଥ୍ୟ ପରୀକ୍ଷା କରୁଛି । ଦୂଷିତ ପାଣି ବ୍ୟବହାର ଯୋଗୁଁ ଝାଡ଼ାବାନ୍ତି ବ୍ୟାପିଥିବା ଡାକ୍ତରୀ ଟିମ୍‌ ସୂଚନା ଦେଇଛି । ଅନ୍ୟପଟେ ପ୍ରଶାସନ ପକ୍ଷରୁ ବିଶୁଦ୍ଧ ପାନୀୟ ଜଳ ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି ।