ଆଗକୁ ହ୍ୱାଟସ୍ଆପ୍ରେ ଆସିବ ଏମିତି କିଛି ମଜାଦାର ଫିଚର…
1 min read
ନୂଆଦିଲ୍ଲୀ: ଭାରତରେ ହ୍ୱାଟସ୍ଆପ୍ର ଚାହିଦା ବହୁତ ଅଧିକା ରହିଛି । ଚାହିଦାକୁ ଦେଖି ହ୍ୱାଟସ୍ଆପ୍ ବିଭିନ୍ନ ସମୟରେ ତାର ଫିଚରକୁ ପରିବର୍ତ୍ତନ କରିଚାଲିଛି । ଫିଚର ପରିବର୍ତ୍ତନ ହେବା ଦ୍ୱାରା ହ୍ୱାଟସ୍ଆପ୍ ବ୍ୟବହାରିକାରୀ ବିଭିନ୍ନ ପ୍ରକାରର ସୁବିଧା ପାଇପାରୁଛନ୍ତି । ଯାହା ମଧ୍ୟରୁ ଅନେକ ବହୁତ ଉପଯୋଗୀ ମଧ୍ୟ । ଏହି ନୂତନ ଫିଚର ଗୁଡିକର ଆସିବା ପରେ, ଆପଣ ହ୍ୱାଟସ୍ଆପରେ ଚାଟିଂକୁ ଆହୁରି ମଜାଦାର କରିପାରିବେ । ନୂଆ ଫିଚର ଗୁଡିକ ହ୍ୱାଟସ୍ଆପ୍ ମେସେଜ୍ ବିତରଣ, ସପିଂ ଭଳି ଅନ୍ୟାନ୍ୟ ଫିଚର ଅନ୍ତର୍ଭୁକ୍ତ ରହିଛି । ଆଜି ଆମେ ଆପଣଙ୍କୁ ହ୍ୱାଟସ୍ଆପ୍ର ୫ ଟି ନୂଆ ଫିଚର ବିଷୟରେ କହିବୁ । ଯାହାଫଳରେ ହ୍ୱାଟସ୍ଆପ୍ରେ ଆପଣଙ୍କର ଚାଟିଂ ଅଭିଜ୍ଞତା ପୂର୍ବ ଅପେକ୍ଷା ଭଲ ହେବ ।
୧- ମଲ୍ଟି-ଡିଭାଇସ୍ ସପୋର୍ଟ
ଖୁବ୍ ଶୀଘ୍ର ଉପଭୋକ୍ତାମାନେ ମଲ୍ଟି-ଡିଭାଇସ୍ ସପୋର୍ଟ ଫିଚର ପାଇବେ । ଏହି ଫିଚରକୁ ହ୍ୱାଟସ୍ଆପ୍ କମ୍ପାନୀ ଦ୍ୱାରା ପରୀକ୍ଷଣ କରାଯାଉଛି । ଏହା ଆସିବା ପରେ ଆପଣ ହ୍ୱାଟସ୍ଆପ୍କୁ ଅନେକ ଡିଭାଇସ୍ ସହିତ ସଂଯୋଗ କରିପାରିବେ । ଏହି ସମୟରେ, ଘରୁ କାମ କରିବାବେଳେ, ଆପଣଙ୍କର ବନ୍ଧୁ ଏବଂ ଅଫିସ୍ ଲୋକଙ୍କ ସହିତ ହ୍ୱାଟସ୍ଆପ୍ ଅପଡେଟ୍ ରଖିବା ଅତ୍ୟନ୍ତ ଭଲ ଏବଂ ସହଜ ହୋଇପାରିବ ।
୨-ଆଡଭାନ୍ସଡ ୱାଲପେପର
ଆଡଭାନ୍ସଡ ୱାଲପେପର ଫିଚର ଉପରେ ମଧ୍ୟ ହ୍ୱାଟସ୍ଆପ୍ ଏକେ ପରୀକ୍ଷା ଚଲାଇଛି । ଏହି ଫିଚର ଆସିବା ପରେ ଆପଣ ୱାଲପେପର ପରିବର୍ତ୍ତନ କରିପାରିବେ । ଯଦି ଆପଣ ଚାହାଁନ୍ତି, ଆପଣ ଏହାକୁ ସବୁ କଣ୍ଟାକ୍ଟ ପାଇଁ ବ୍ୟବହାର କରିପାରିବେ । ଉନ୍ନତ ୱାଲପେପର ବିକଳ୍ପ ସହିତ ଆପଣଙ୍କ ସମ୍ପର୍କିୟଙ୍କ ପାଇଁ ଏକ ନିର୍ଦ୍ଦିଷ୍ଟ ୱାଲପେପର ମଧ୍ୟ ରଖିପାରିବେ ।
୩- ଲେଟର ପଢ଼ିବା
ହ୍ୱାଟସ୍ଆପ୍ ଆର୍କାଇଭ୍ ଚାଟ୍ ଫିଚରକୁ ବଦଳାଇବା ପାଇଁ ରିଡ୍ ଲେଟର ଫିଚର ଆଣିଛି । ଏହା ଆସିବା ପରେ, ଆପଣ ସିଲେକ୍ଟ କରିଥିବା କଣ୍ଟାକ୍ଟରୁ ମେସେଜ କିମ୍ବା କଲର ନୋଟିଫକେସନ ଆସିବ ନାହିଁ । ଯେତେବେଳେ ଆପଣ ଆବଶ୍ୟକ କରନ୍ତି ଚାଟ୍ ପାଇଁ ବିକଳ୍ପରୁ ଆପଣ ଏନାବଲ କିମ୍ବା ଡିସାବଲ କରିପାରିବେ ।
୪- ପଠାଇବା ପୂର୍ବରୁ ମ୍ୟୁଟ୍ ଭିଡିଓ
ଏହା ମଧ୍ୟ ହ୍ୱାଟସ୍ଆପ୍ର ଆଉଏକ ଫିର । ଯାହା ଉପରେ ହ୍ୱାଟସ୍ଆପ୍ ଏବେ କାମ କରୁଛି । ଏହି ଫିଚର ଇନଷ୍ଟାଗ୍ରାମ ଏବଂ ଟ୍ୱିଟର, ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମ ପରି ଭିଡିଓ ପଠାଇବା ପୂର୍ବରୁ ଆପଣ ଭିଡିଓକୁ ମ୍ୟୁଟ୍ କରିବାର ବିକଳ୍ପ ପାଇବେ । ଏହି ଫିଚରକୁ ଏବେ ପରୀକ୍ଷା କରାଯାଉଛି ଯାହା ଶୀଘ୍ର ହ୍ୱାଟସ୍ଆପ୍ରେ ଆସିବ ।
୫- ରିପୋର୍ଟ ଟୁ ହ୍ୱାଟସ୍ଆପ୍
ହ୍ୱାଟସ୍ଆପ୍ ମଧ୍ୟ ଏହାର ଗୁରୁତ୍ୱପୂର୍ଣ୍ଣ ଫିଚର ଉପରେ କାମ କରୁଛି । ଉପଭୋକ୍ତାମାନେ ଖରାପ ମେସେଜ କିମ୍ବା ଖରାପ ଭିଡିଓ ଛାଡ଼ୁଥିବା ଲୋକ ବିରୁଦ୍ଧାରେ ରିପୋର୍ଟ କରିପାରିବେ । ଏହାଦ୍ୱାରା ବ୍ୟବହାରକାରୀ ମାନଙ୍କୁ ବହୁତ ଆରାମ ମିଳିବ ।
