ଡିସେମ୍ବର ପହିଲାରୁ ପୁଣି କଡ଼ାକଡ଼ି ହେବ ଟ୍ରାଫିକ୍ ନିୟମ

1 min read

ଭୁବନେଶ୍ୱର: ଏଥର ସୁଧୁରି ଯାଆନ୍ତୁ, ନ ହେଲେ ପୁଣି ଫସିବେ । ମୋଟା ଅଙ୍କର ତଣ୍ଡ ଗଣିବେ । ମାନେ ଡିସେମ୍ବର ପହିଲାରୁ ଟ୍ରାଫିକ୍ ନିୟମକୁ କଡ଼ାକଡ଼ି କରିବାକୁ ଯାଉଛନ୍ତି ସରକାର । ଘରୁ ବାହାରିଲେ ଡ୍ରାଇଭିଂ ଲାଇସେନ୍ସ, ଆରସି ଧରି ବୁଲିବେ । ମୁଣ୍ଡରେ ହେଲମେଟ ପିନ୍ଧିବେ । ନଚେତ୍ ପକେଟରୁ ମୋଟା ଅଙ୍କର ଫାଇନ୍ କଟିବ । ସେପ୍ଟେମ୍ବର ପହିଲାରୁ ଲାଗୁ ହୋଇଥିବା ନୂତନ ମୋଟର ଯାନ ଆଇନକୁ ୩ ମାସ କୋହଳ କରିବା ପରେ ପୁଣି ଥରେ ନିୟମ କଡ଼ାକଡ଼ି ହେବାକୁ ଯାଉଛି । ଡିସେମ୍ବର ୧ରୁ ନିୟମ ଲାଗୁ ନେଇ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି ।ନଜର ପକାନ୍ତୁ କେଉଁ ନିୟମ ଭାଙ୍ଗିଲେ କେତେ ଟଙ୍କା ଗଣିବେ ?

ବିନା ଲାଇସେନ୍ସରେ ଗାଡ଼ି ଚଳାଇଲେ ୫ ହଜାର ଟଙ୍କା
ଅଧିକ ବେଗରେ ଗାଡ଼ି ଚାଳନା ହଜାରେରୁ ୨ ହଜାର ଟଙ୍କା (ଲାଇଟ୍ ଭେଇକିଲ୍)

୨ ହଜାରରୁ- ୪ ହଜାର ଟଙ୍କା (ପାସେଞ୍ଜର ଓ ମାଲବାହୀ)

ଦ୍ୱିତୀୟ ଥର ଧରାପଡ଼ିଲେ ଡ୍ରାଇଭିଂ ଲାଇସେନ୍ସ ଜବତ

ମଦ ପିଇ ଗାଡ଼ି ଚଳାଇଲେ ୧୦ ହଜାର ଟଙ୍କା ଜରିମାନା ସହ ୬ ମାସ ଜେଲ୍
ଟ୍ରାଫିକ ନିୟମରେ ବାଧା ଦେଲେ ୫୦୦ ଟଙ୍କା
ଲାଇସେନ୍ସ ନଥାଇ ଗାଡ଼ି ଚଳାଇଲେ ୫ ହଜାର ଟଙ୍କା
ଡ୍ରାଇଭିଂ ଟେଷ୍ଟରେ ଫେଲ୍ ହୋଇ ଗାଡ଼ି ଚଳାଇଲେ ୧୦ ହଜାର ଟଙ୍କା
ଅଥରିଟିଙ୍କୁ ସୂଚନା ନଦେଲେ ୨୦୦୦ ଟଙ୍କା
ରାସ୍ତାରେ ନିୟମ ଭାଙ୍ଗିଲେ ୫ ଶହରୁ ୧ ହଜାର ଟଙ୍କା

ଯଦି ମୋଟା ଅଙ୍କର ଜରିମାନାରୁ ବଞ୍ଚିବାକୁ ଚାହୁଁଛନ୍ତି ତେବେ ଆଜିଠୁ ନିୟମକୁ ମାନିବା ଅଭ୍ୟାସ କରନ୍ତୁ । ଘରୁ ଗାଡ଼ି ଧରି ବାହାରିଲେ ମୁଣ୍ଡରେ ହେଲମେଟ ପିନ୍ଧନ୍ତୁ । ପାଖରେ ନିଜର ଡ୍ରାଇଭିଂ ଲାଇସେନ୍ସ, ଗାଡ଼ିର ଆରସି, ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର (ପିୟୁସି), ଗାଡ଼ିର ବୀମା କାଗଜପତ୍ର ରଖନ୍ତୁ । ଆପଣଙ୍କ ପାଖେ ଏସବୁ କାଗଜପତ୍ର ନଥିଲେ ମଧ୍ୟ ଆପଣ ଡିଜି ଲକର କିମ୍ବା ଏମ୍ ପରିବହନ ଆପରେ ଏସବୁ ରଖି ଯାଞ୍ଚ ବେଳେ ଟ୍ରାଫିକ କର୍ମଚାରୀଙ୍କୁ ଦେଖାଇ ପାରିବେ । ')}

Leave a Reply