ସାମାନ୍ୟ ବଚସାରୁ ସାଙ୍ଗକୁ ସାଙ୍ଗର ଗୁଳିମାଡ଼

କେନ୍ଦୁଝର: ସାଙ୍ଗକୁ ଗୁଳି ମାରିଲା ସାଙ୍ଗ । କେନ୍ଦୁଝର ହରିଚନ୍ଦନପୁର ଥାନା ସିଂହବିଲା ଗାଁରେ ଗୁଳିକାଣ୍ଡ । ସାମାନ୍ୟ ବଚସାରୁ ସାଙ୍ଗକୁ ସାଙ୍ଗର ଗୁଳିମାଡ଼ । ଫାୟାରିଂରେ ପୂର୍ଣ୍ଣଚନ୍ଦ୍ର ଦାସ ଗୁରୁତର ହୋଇଛନ୍ତି  । ତାଙ୍କୁ ପ୍ରଥମେ ହରିଚନ୍ଦନପୁର ଡାକ୍ତରଖାନା ଓ ପରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।

ଗୁଳି ମାରିଥିବା ବିନୋଦ ଘଟଣାସ୍ଥଳରୁ ଫେରାର ହୋଇଯାଇଛି । ଅଭିଯୋଗ ଅନୁସାରେ ପୂର୍ଣ୍ଣଚନ୍ଦ୍ର ଓ ବିନୋଦ ବେଙ୍ଗାଲୁରୁରେ କାମ କରୁଥିବା ବେଳେ, ଛୁଟିରେ ଘରକୁ ଆସିଥିଲେ । କୌଣସି କଥାକୁ ନେଇ ଉଭୟଙ୍କ ମଧ୍ୟରେ ବଚସା ଲାଗିଥିଲା  । ଉତ୍ୟକ୍ତ ହୋଇ ହଠାତ୍ ବିନୋଦ ପୂର୍ଣ୍ଣଚନ୍ଦ୍ରଙ୍କ ମୁଣ୍ଡକୁ ଗୁଳିକରି ଫେରାର୍ ହୋଇଯାଇଛି  । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି  ।