ରାଉରକେଲା ଛାତ୍ର ହତ୍ୟାକାଣ୍ଡର ପର୍ଦ୍ଦାଫାଶ, ଇଅରଫୋନ୍ ପାଇଁ ସାଙ୍ଗକୁ ପଥରରେ ଛେଚି ହତ୍ୟା

ରାଉରକେଲା: ସାଙ୍ଗ ସାଜିଲେ ସଇତାନ । ସାମାନ୍ୟ ଇଅରଫୋନ୍ ପାଇଁ ପଥରରେ ଛେଚି ହତ୍ୟା କଲେ । ରାଉରକେଲାରେ ଘଟିଥିବା ଛାତ୍ର ହତ୍ୟାକାଣ୍ଡ ସୃଷ୍ଟି କରିଛି ଚାଞ୍ଚଲ୍ୟ । ବାଲୁଘାଟ ଵସ୍ତିର ଦଶମ ଶ୍ରେଣୀର ଛାତ୍ର ରୁଦ୍ର ପାଢୀଙ୍କ ମୃତଦେହ ଗତକାଲି ହେକେଟ ରୋଡ ଵୁଦା ମୁଳରୁ ଉଦ୍ଧାର କରାଯାଇଥିଲା । ତାଙ୍କୁ ହତ୍ୟା କରାଯାଇଥିବା ରଘୁନାଥପାଲି ଥାନାରେ ଅଭିଯୋଗ ପରେ ତଦନ୍ତ ଆରମ୍ଭ କରିଥିଲା ପୋଲିସ ।

ଆଜି ଏହି ହତ୍ୟା କାଣ୍ଡରେ ସମୃକ୍ତ ଥିବା ନବମ ଶ୍ରେଣୀର ଦୁଇ ଛାତ୍ରଙ୍କୁ କୋର୍ଟ ଚାଲାଣ କରିବା ପରେ ବାଳ ସୁଧାର ଗୃହକୁ ପଠାଇଛି ପୋଲିସ । ହତ୍ୟାକାରୀଙ୍କ ନିକଟରୁ ହତ୍ୟାରେ ବ୍ୟବହୃତ ଦୁଇଟି ପଥର , ଦୁଇଟି ସାଇକେଲ,ଗୋଟିଏ ମୋବାଇଲ ଫୋନ ଜଵତ କରାଯାଇଛି । ପରେ ହେକେଟ ରୋଡର ସ୍ଥିତ କ୍ରାଇମସ୍ପଟରେ ପହଞ୍ଚି ଅଧିକ ତଦନ୍ତ କରିଛି ପୋଲିସ ।

ବ୍ଲ୍ୟୁଟୁଥ୍ ଇଅର ଫୋନକୁ କେନ୍ଦ୍ରକରି ତିନି ସାଙ୍ଗଙ୍କ ମଧ୍ୟରେ ବିବାଦ ଉପୁଜିଥିଲା । ପରେ ଦୁଇ ନାଵାଳକ ମିଶି ଆଉ ଜଣେ ନାବଳକଙ୍କୁ ପଥରରେ ଛେଚି ହତ୍ୟା କରିଥିବା ଜଣାପଡିଛି । ସେପଟେ ଏକମାତ୍ର ପୁଅକୁ ହରାଇ ଭାଙ୍ଗି ପଡିଛି ପରିବାର । ମା’ , ବାପା, ଜେଜେ ମା’ ପୁଅକୁ ମନେ ପକାଇ ବାହୁନି ବାହୁନି କାନ୍ଦୁଛନ୍ତି । ରୁଦ୍ରର ମୃତ୍ୟୁ ଖବର ଶୁଣିବା ପରେ ସାହି ମଧ୍ୟ ଶୁନଶାନ ହୋଇପଡିଛି ।