ଶୁକ୍ରବାର ଦେଖି ଆପଣାନ୍ତୁ ଏହି ଉପାୟ, ଘରର ଆର୍ଥିକ ସମସ୍ୟା ଓ ସମସ୍ତ ବାଧାବିଘ୍ନ ଦୂର ହୋଇଯିବ
ଶୁକ୍ରବାର ମା’ଲକ୍ଷ୍ମୀ ଓ ମା’ ସନ୍ତୋଷୀଙ୍କ ଦିନ । ବହୁ ମହିଳା ଓ ଝିଅ ଏହିଦିନ ବ୍ରତ କରି ମା’ଙ୍କୁ ପୁଜାର୍ଚନା କରିଥାନ୍ତି । ବିଶେଷ କରି ବହୁ ଲୋକେ ମା’ ସନ୍ତୋଷୀଙ୍କର ବ୍ରତ ରଖିଥାଆନ୍ତି । ଏହି ବ୍ରତ କରିବା ଦ୍ୱାରା ମା’ଙ୍କ ଆଶୀର୍ବାଦ ମିଳିଥାଏ । ମା’ଙ୍କ କୃପାରୁ ଜୀବନର ସମସ୍ତ ବାଧାବିଘ୍ନ ଦୂର ହୋଇଥାଏ । ଶୁକ୍ରବାରରେ ଏପରି କେତେକ ବିଶେଷ ଉପାୟ ରହିଛି, ଯାହାକୁ ପାଳନ କରିବା ଦ୍ୱାରା ଆର୍ଥିକ ସମସ୍ୟାରୁ ମୁକ୍ତି ମିଳିବା ସହ ସମସ୍ତ ସମସ୍ୟା ମଧ୍ୟ ଦୂର ହୋଇଥାଏ । ନିମ୍ନରେ ଜାଣନ୍ତୁ ସେ ବିଷୟରେ..
୧. ଶୁକ୍ରବାର ଦିନ ଦକ୍ଷିଣାବର୍ତ୍ତୀ ଶଙ୍ଖରେ ଜଳ ଭର୍ତ୍ତି କରି ଭଗବାନ ବିଷ୍ଣୁଙ୍କୁ ଅଭିଷେକ କରନ୍ତୁ । ଏପରି କରିବା ଦ୍ୱାରା ମା’ଲକ୍ଷ୍ମୀ ଖୁବ ପ୍ରସନ୍ନ ହୋଇଥାଆନ୍ତି । ତାଙ୍କ କୃପା ସର୍ବଦା ଆପଣଙ୍କ ଉପରେ ରହିଥାଏ । ଆର୍ଥିକ ସମସ୍ୟା ମଧ୍ୟ ଦୂର ହୋଇଥାଏ ।
୨. ଶୁକ୍ରବାର ଦିନ ହଳଦିଆ କପଡ଼ାରେ ହଳଦିଆ କଉଡ଼ି, ସାମାନ୍ୟ କେସର, ଏକ ଚାନ୍ଦି ଟଙ୍କା ବାନ୍ଧି ନିଜ ଆଲମିରାରେ ରଖନ୍ତୁ । ଏହି ଉପାୟ କିଛି ଶୁକ୍ରବାର ଲଗାତର କରିବା ଦ୍ୱାରା ଆପଣଙ୍କ ଗୃହରେ କଦାପି ଟଙ୍କାର ଅଭାବ ରହିବ ନାହିଁ ।
୩. ଏହି ଦିନ ଐଶାନ୍ୟ କୋଣରେ ଗାଈ ଘିଅରେ ଲାଲ ରଙ୍ଗର ସଳିତାରେ ଦୀପ ଲଗାନ୍ତୁ । ଏହାର ଖୁବ ଶୁଭଫଳ ଆପଣଙ୍କୁ ମିଳିବ ।
୪. ୩ଟି କୁଆଁରୀ କନ୍ୟାଙ୍କୁ କ୍ଷୀର ପିଇବାକୁ ଦିଅନ୍ତୁ । ଏହାପରେ ତାଙ୍କୁ ଦକ୍ଷିଣା ଓ ହଳଦିଆ ବସ୍ତ୍ର ମଧ୍ୟ ଉପହାରରେ ଦିଅନ୍ତୁ । କୁଆାଁରୀ କନ୍ୟା ଦେବୀଙ୍କ ଏକ ରୂପ ବୋଲି କୁହାଯାଏ । ତେଣୁ ଏହା କରିବା ଦ୍ୱାରା ଘର ପାଇଁ ମଙ୍ଗଳ ହୋଇଥାଏ ।
