ଆତଙ୍କୀ ତହବୁର ରାଣାର ଆସିଲା ନୂଆ ଫଟୋ
1 min read
ନନ୍ଦିଘୋଷ ବ୍ୟୁରୋ: ଆତଙ୍କୀ ତହବୁର ରାଣାର ଆସିଲା ନୂଆ ଫଟୋ। ଆମେରିକା କର୍ତ୍ତୃପକ୍ଷ ଆତଙ୍କୀ ତହବୁର ରାଣାକୁ ଭାରତକୁ ହସ୍ତାନ୍ତର ବେଳର ଆସିଛି ଫଟୋ। ଯେଉଁଥିରେ ଆମେରିକା ଅଧିକାରୀ ତହବୁର ରାଣାକୁ ଭାରତୀୟ ବୈଦେଶିକ ବିଭାଗକୁ ହସ୍ତାନ୍ତର କରୁଥିବାର ଫଟୋ ଜାରି ହୋଇଛି। ଯେଉଁଥିରେ ଆମେରିକା ମାର୍ଶଲଙ୍କ ସହ ତହବୁର ରାଣାକୁ ଭାରତର ତଦନ୍ତକାରୀ ସଂସ୍ଥା ଏନଆଇଏ ଅଧିକାରୀ ଘେରି ରହିଛନ୍ତି। ଗୋଡ଼ ଓ ଅଣ୍ଟାକୁ ଶିକୁଳିରେ ବନ୍ଧା ହୋଇଛି। ଆମେରିକାର ଡିପାର୍ଟମେଣ୍ଟ ଅଫ ଜଷ୍ଟିସ ପକ୍ଷରୁ ଏହି ଫଟୋ ଜାରି କରାଯାଇଛି। ୬୪ ବର୍ଷୀୟ ରାଣାକୁ ଆମେରିକା ନ୍ୟାୟ ବିଭାଗ ଭାରତୀୟ ବୈଦେଶିକ ବିଭାଗ କର୍ତ୍ତୃପକ୍ଷଙ୍କୁ ହସ୍ତାନ୍ତର କରୁଛନ୍ତି। ସେପଟେ ଏନଆଇଏ ରିମାଣ୍ଡରେ ଆତଙ୍କବାଦୀ ତହବୁର ରାଣା। ୧୮ ଦିନର ରିମାଣ୍ଡରେ ନେଇଛି ଏନଆଇଏ। ଏହି ୧୮ ଦିନରେ 26/11 ମୁମ୍ବାଇ ଆତଙ୍କବାଦୀ ହମଲାର ଷଡ଼ଯନ୍ତ୍ରକାରୀ ତହବୁର ରାଣାକୁ ଜେରା କରାଯିବ। ବିଶେଷ କରି ଏହି ଆକ୍ରମଣ ଘଟଣାରେ ପାକିସ୍ତାନର ଲିଙ୍କ୍ ନେଇ ତଥ୍ୟ ଓଗାରିବ ଏନଆଇଏ।
ଭାରତରେ ଅବତରଣ କରିବା ମାତ୍ରେ ତହବୁର ରାଣାକୁ ଗିରଫ କରାଯାଇଥିଲା ଏବଂ କୋର୍ଟରେ ହାଜର କରଯାଇଥିଲା। ରାଣା କେଉଁ କେଉଁ ସ୍ଥାନକୁ ଓ କାହା ନିକଟକୁ ଇ-ମେଲ ପଠାଇଛି, ଅନ୍ୟତମ ଷଡ଼ଯନ୍ତ୍ରକାରୀ ଡେଭିଡ କୋଲମାନ ହେଡଲି ସହ ସମ୍ପର୍କ ଓ ପାକିସ୍ତାନ ସେନା ଅଫିସରଙ୍କ ଭୂମିକା ସମ୍ପର୍କରେ ଜେରା କରାଯିବ। ୨୦୦୮ ମୁମ୍ବାଇ ଆତଙ୍କବାଦୀ ହମଲାର ଷଡ଼ଯନ୍ତ୍ରକାରୀ ତହବୁର ରାଣା ଆମେରିକାରୁ ଏକ ସ୍ବତନ୍ତ୍ର ବିମାନରେ ଆସିବା ପରେ ତାକୁ ଗିରଫ କରିଥିଲା ଏନଆଇଏ।ପରେ ତାକୁ ନିଜ ହେପାଜତକୁ ନେବା ଲାଗି ମୁମ୍ବାଇ କ୍ରାଇମ ବ୍ରାଞ୍ଚ ଆବେଦନ କରିବ। ରାଣାର ତଦନ୍ତ ପ୍ରକ୍ରିୟାରେ ସାମିଲ ଅଛନ୍ତି ଏନଆଇଏର ୧୨ ସଦସ୍ୟ। ସେମାନଙ୍କ ମଧ୍ୟରେ ଅଛନ୍ତି ଡିଜି ଏନଆଇଏ ସଦାନନ୍ଦ ଦାତେ, ଆଇଜି ଆଶିଷ ବାତ୍ରା ଓ ଡିଆଇଜି ଜୟ ରାୟ। ଜେରା ସମୟରେ ରାଣା ମୁମ୍ବାଇ ଆଟାକ ଘଟଣାର ସବିଶେଷ ତଥ୍ୟ ଓଗାରିବ।୨୦୦୮ ନଭେମ୍ବର ୨୬ ରେ ୧୦ ଲସ୍କର ଆତଙ୍କବାଦୀ ମୁମ୍ବାଇର ୧୨ଟି ସ୍ଥାନରେ ଆଖିବୁଜା ହମଲା କରିଥିଲେ। ୧୬୬ ଲୋକଙ୍କ ମୃତ୍ୟୁ ଘଟିଥିଲା।
