ତୁର୍କୀରେ ପୁଣି ବଡ଼ ଧରଣର ଭୂକମ୍ପ; ରିକ୍ଟର ସ୍କେଲରେ ତୀବ୍ରତା ୬.୪

ନୂଆଦିଲ୍ଲୀ: ତୁର୍କୀରେ ପୁଣି ବଡ଼ ଧରଣର ଭୂକମ୍ପ । ରିକ୍ଟର ସ୍କେଲରେ ଭୂକମ୍ପ ତୀବ୍ରତା ୬.୪ ମପାଯାଇଛି । ତୁର୍କୀ-ସିରିଆ ସୀମାରେ ଏହି ଭୂକମ୍ପ ଆସିଛି । ସାରା ତୁର୍କୀ ଓ ସିରିଆରେ ଆତଙ୍କ ଖେଳିଯାଇଛି । ଏହି ଭୂକମ୍ପର ଅଧିକ ପ୍ରଭାବ ଦକ୍ଷିଣ ତୁର୍କୀରେ ହୋଇଥିବାର ଆଶଙ୍କା କରାଯାଉଛି । ଲତାକିୟାରେ ପ୍ରାୟ ୧୦ ସେକେଣ୍ଡ ପର୍ଯ୍ୟନ୍ତ ଭୂକମ୍ପର ଦୁଇଟି ଝଟକା ଅନୁଭୁତ କରାଯାଇଛି । ସେଣ୍ଟ୍ରାଲ ଅନ୍ତାକ୍ୟାରେ ଭୂମିକମ୍ପ ପରେ ଆଉ କିଛି କୋଠା ଭୁଶୁଡ଼ି ପଡ଼ିଛି । କିଛିଦିନ ତଳେ ଘଟିଥିବା ଭୂକମ୍ପରେ ମୃତ୍ୟୁ ସଂଖ୍ୟା ୫୦ ହଜାର ପାର୍ କରିଛି । ଏବେ ବି ଜାରି ରହିଛି ଉଦ୍ଧାର କାର୍ଯ୍ୟ ।