ନନ୍ଦିଘୋଷ ବ୍ୟୁରୋ: ରାଜସ୍ଥାନ ଉଦୟପୁରରେ ବିଦେଶିନୀଙ୍କୁ ଦୁଷ୍କର୍ମ ଅଭିଯୋଗ। ଜଣେ ଫ୍ରେଞ୍ଚ ମହିଳାଙ୍କୁ ଜଣେ ଯୁବକ ଏକ ଆପାର୍ଟମେଣ୍ଟରେ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ମହିଳାଙ୍କୁ ଏକ ରେଷ୍ଟୁରାଣ୍ଟରେ ଆୟୋଜିତ ଏକ ପାର୍ଟିରୁ ନେଇ ଯୁବକ ଜଣକ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଏହି ଘଟଣା ପରେ ଯୁବକ ଜଣକ ଫେରାର ହୋଇଯାଇଛି। ଉଦୟପୁରର ବାଦଗାଁ ପୋଲିସ ଥାନା ଅଞ୍ଚଳରେ ଏହି ଘଟଣା ଘଟିଛି।
ପୋଲିସ ସୂଚନା ମୁତାବକ ଗତ ଜୁନ ୨୨ରେ ଯୁବତୀଜଣକ ଉଦୟପୁରକୁ ଆସିଥିଲେ। ଅମ୍ବାମାତା ଇଲାକାରେ ଥିବା ଏକ ହୋଟେଲରେ ମହିଳାଜଣକ ରହୁଥିଲେ। ପୀଡ଼ିତାଙ୍କ ମେଡିକାଲ ପରୀକ୍ଷା କରାଯାଇଛି ବୋଲି କହିଛନ୍ତି ଉଦୟପୁର ଏସପି ଯୋଗେଶ ଗୋୟଲ। ଫ୍ରାନ୍ସରୁ ଆସିଥିବା ଏହି ମହିଳା ଟାଇଗର ହିଲ ଅନ୍ତର୍ଗତ ଦି ଗ୍ରୀକ ଫାର୍ମ କାଫେ ଆଣ୍ଡ ରେଷ୍ଟ୍ରୋରେ ରହିଥିଲେ। ସେଠାରେ ଅଭିଯୁକ୍ତ ସିଦ୍ଧାର୍ଥଙ୍କ ସହ ତାଙ୍କର ସାକ୍ଷାତ ହୋଇଥିବା ପୋଲିସ ସୂଚନା ଦେଇଛି ।
ଅନ୍ୟପଟେ ଗତ ସପ୍ତାହରେ ଭାରତର ବିଭିନ୍ନ ରାଜ୍ୟରେ ମହିଳା ଅସୁରକ୍ଷିତ ବୋଲି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ସତର୍କ କରାଇଥିଲେ।
