ସରିଗଲା ସଂଗ୍ରାମ, ଚାଲିଗଲେ ସ୍ୱାଧୀନତା ସଂଗ୍ରାମୀ: ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ ଓ କେନ୍ଦ୍ରମନ୍ତ୍ରୀ

ଭୁବନେଶ୍ୱର: ବିଶିଷ୍ଟ ସ୍ୱାଧୀନତା ସଂଗ୍ରାମୀ ତଥା ପୂର୍ବତନ ସାଂସଦ ପଦ୍ମଶ୍ରୀ ଭବାନୀ ପଟ୍ଟନାୟକଙ୍କ ପରଲୋକ । ସ୍ୱର୍ଗତ ଭବାନୀ ପଟ୍ଟନାୟକ ଓଡ଼ିଶାକୁ ପାର୍ଲାମେଣ୍ଟର ଉଚ୍ଚସଦନରେ ଏକାଧିକ ଥର ପ୍ରତିନିଧିତ୍ୱ କରିଥିଲେ । ପଦ୍ମଶ୍ରୀ ସମ୍ମାନରେ ସମ୍ମାନିତ ସ୍ୱର୍ଗତ ପଟ୍ଟନାୟକଙ୍କୁ ମୃତ୍ୟୁ ବେଳକୁ ୯୯ ବର୍ଷ ହୋଇଥିଲା ।

କ୍ୟାପିଟାଲ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଶେଷ ନିଶ୍ୱାସ ତ୍ୟାଗ କରିଛନ୍ତି ଭବାନୀ ପଟ୍ଟନାୟକ ।୧୯୬୧,୧୯୬୬ ଏବଂ ୧୯୭୮ରେ ରାଜ୍ୟ ସଭାକୁ ଯାଇଛନ୍ତି । ସେ ୧୯୨୨ ମସିହା ମାର୍ଚ୍ଚ ୧୧ରେ ପୁରୀ ଜିଲା ଅନ୍ଧିଆରେ ଜନ୍ମଗ୍ରହଣ କରିଥିଲେ । ନିଶ୍ୱାସ ପ୍ରଶ୍ୱାସରେ ଅସୁବିଧା ଅନୁଭବ କରିବାରୁ ନିକଟରେ ହସ୍ପିଟାଲରେ ଭର୍ତ୍ତି ହୋଇଥିଲେ । ମୃତ୍ୟୁର ଦୁଇଦିନ ପୂର୍ବେ ନିଜର ଅଙ୍ଗଦାନ ନେଇ ଘୋଷଣା କରିଥିଲେ ସ୍ୱର୍ଗତ ଭବାନୀ ଚରଣ ।

ବିଶିଷ୍ଟ ସ୍ୱାଧୀନତା ସଂଗ୍ରାମୀ ତଥା ପୂର୍ବତନ ସାଂସଦ ପଦ୍ମଶ୍ରୀ ଭବାନୀ ପଟ୍ଟନାୟକଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ଜଣେ ମହାନ ଗାନ୍ଧିବାଦୀ ଭାବେ ସେ ସର୍ବଦା ସ୍ମରଣୀୟ ରହିବେ। ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜଣାଉଛି।

— Naveen Patnaik (@Naveen_Odisha) May 14, 2020

ତାଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ ଜଣେ ମହାନ ଗାନ୍ଧିବାଦୀ ଭାବେ ସ୍ମରଣୀୟ ରହିବେ । ତାଙ୍କ ଅମର ଆତ୍ମାର ସଦଗତି କାମନା କରିବା ସହିତ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ।

ସ୍ୱାଧୀନତା ସଂଗ୍ରାମୀ ପଦ୍ମଶ୍ରୀ ଭବାନୀ ଚରଣ ପଟ୍ଟନାୟକଙ୍କ ସ୍ୱର୍ଗବାସ ଖବର ଶୁଣି ମୁଁ ମର୍ମାହତ । ଖୁବ କମ ବୟସରୁ ସ୍ୱାଧୀନତା ସଂଗ୍ରାମର ନେତୃତ୍ୱ ନେଇ ଭାରତ ଛାଡ ଆନ୍ଦୋଳନରେ ଝାସ ଦେଇଥିଲେ ଭାବନୀ ବାବୁ ।

— Dharmendra Pradhan (मोदी का परिवार) (@dpradhanbjp) May 14, 2020

ସେହିପରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ୱିଟ୍ କରି ଭବାନୀ ଚରଣଙ୍କ ଦେହାନ୍ତ ତାଙ୍କୁ ମର୍ମହାତ କରିଥିବା ପ୍ରକାଶ କରିଛନ୍ତି । ସେ ଖୁବ୍ କମ୍‌ ବୟସରେ ସ୍ୱାଧୀନତା ସଂଗ୍ରାମର ନେତୃତ୍ୱ ନେଇ ଭାରତ ଛାଡ଼ ଆନ୍ଦୋଳନରେ ଝାସ ଦେଇଥିବା ଉଲ୍ଲେଖ କରିଛନ୍ତି ।