ଫିନାଇଲ ବିକାଳୀରୁ କୋଟିପତି, ଅଧିକ ଟଙ୍କାର ପ୍ରଲୋଭନ ଦେଖାଇ କୋଟି କୋଟି ଟଙ୍କା ଠକେଇ

ବାଲେଶ୍ୱର: ଫିନାଇଲ ବିକାଳୀରୁ କୋଟିପତି । ଅଧିକ ଟଙ୍କାର ପ୍ରଲୋଭନ ଦେଖାଇ କୋଟି କୋଟି ଟଙ୍କା ଠକେଇ । କ୍ଳାଉଡ ଫଟ କମ୍ପାନୀର ଜିଲ୍ଲା ମୁଖ୍ୟ କହି ଲୋକଙ୍କୁ ଚୂନ ଲଗାଇଥିଲେ ଠକ । ଠକ ନୀଲେଶ କରକୁ ଗିରଫ ପରେ ରିମାଣ୍ଡରେ ଆଣିଛି EOW । ବାଲେଶ୍ୱରରୁ ଏହି ଠକକୁ ଗିରଫ କରିଛି EOW । ତା ନିକଟରୁ ନକଲି ଆରବିଆଇ ସାର୍ଟିଫିକେଟ ଓ ନକଲି କାଗଜ ପତ୍ର ଜବତ କରିଛି EOW । ଓଡ଼ିଶାରୁ ୨୦୦ରୁ ଅଧିକ ଲୋକଙ୍କଠାରୁ ଠକେଇ କରିଥିବା EOW ତଦନ୍ତରୁ ଜାଣିବାକୁ ପାଇଛି ।

ଭାରତରେ ୮୦ ହଜାରରୁ ଅଧିକ ଲୋକ କ୍ଳାଉଡ ଫଟ ଆପକୁ ଡାଉନଲୋଡ କରିଛନ୍ତି । ତେବେ ଦେଶ ସାରା ୮୦ ହଜାରରୁ ଅଧିକ ଲୋକ ଠକେଇ ହୋଇଥାଇ ପାରନ୍ତି ବୋଲି ଅନୁମାନ କରୁଛି EOW । ଏହି ଠକେଇ ଘଟଣାରେ ମୁଖ୍ୟ ଅଭିଯୁକ୍ତ କେଉଁଟି ଅଛି ତାକୁ ଖୋଜୁଛି ଟିମ୍ । ଗତ ୪ ଦିନ ତଳେ ବାଲେଶ୍ୱର ମହାମାନ୍ୟ ଜେନା ଠକେଇ ନେଇ EOWରେ ଅଭିଯୋଗ ପରେ ତଦନ୍ତ ଆରମ୍ଭ କରିଥିଲା ଅର୍ଥନୈତିକ ଅପରାଧ ଶାଖା । ଠକେଇ ଘଟଣାରେ ଅଧିକ ତଦନ୍ତ ପାଇଁ ଅଭିଯୁକ୍ତ ନୀଲେଶ କରକୁ ୪ ଦିନିଆ ରିମାଣ୍ଡ ଆଣି ଖୋଳ ତାଡ଼ କରିବ EOW ।