ନନ୍ଦିଘୋଷ ବ୍ୟୁରୋ : ୟୁକ୍ରେନକୁ ଅଧିକ ସହାୟତା ଯୋଗାଇପାରେ ଫ୍ରାନ୍ସ। ଆଜି ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କି ଓ ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମାକ୍ରନଙ୍କ ମଧ୍ଯରେ ହେବ ଗୁରୁତ୍ବପୂର୍ଣ୍ଣ ଆଲୋଚନା। ଯୁଦ୍ଧରେ ୟୁକ୍ରେନର ବ୍ଯାପକ କ୍ଷୟକ୍ଷତି ଘଟିଥିବାବେଳେ ଏବେ ବି ଜାରି ରହିଛି ୟୁକ୍ରେନ ଉପରେ ରୁଷିଆର ଆକ୍ରମଣ।
ୟୁକ୍ରେନରେ ଅସ୍ତ୍ରାଭାବ ଦେଖାଦେଇଥିବାବେଳେ ୟୁକ୍ରେନକୁ ଅଧିକ ଅସ୍ତ୍ରଶସ୍ତ୍ର ଫ୍ରାନସ ଯୋଗାଇଦେବା ସମ୍ଭାବନା ସୃଷ୍ଟି ହୋଇଛି। ଗ୍ରାଉଣ୍ଡ ଜିରୋରେ ଯୁଦ୍ଧର ସ୍ଥିତି ନେଇ ଦୁଇ ନେତା କରିବେ ସମୀକ୍ଷା। ଜେଲେନସ୍କିଙ୍କୁ ବି ସ୍ବାଗତ କରିବେ ଫ୍ରାନ୍ସର ପ୍ରତିରକ୍ଷା ମନ୍ତ୍ରୀ ସେବାସ୍ତିଆନ ଲେକୋର୍ନୁ। ଉଭୟ ଜେଲେନସ୍କି ଓ ମାକ୍ରନ ପ୍ଯାରିସ ନିକଟସ୍ଥ ଏକ ଅସ୍ତ୍ରାଗାର ପରିଦର୍ଶନରେ ଯିବାର କାର୍ଯ୍ୟକ୍ରମ ରହିଛି।
