ଫ୍ରାନ୍ସ  ସଂସଦୀୟ ନିର୍ବାଚନ: ଏଗଜିଟ୍ ପୋଲରେ ମାକ୍ରନଙ୍କୁ ଝଟକା !

ପାରିସ: ଫ୍ରାନ୍ସ ସଂସଦୀୟ ନିର୍ବାଚନରେ ରାଷ୍ଟ୍ରପତିଙ୍କୁ ଏମାନୁଏଲ ମାକ୍ରନଙ୍କୁ ବଡ ଝଟକା ଲାଗିଛି । ଗତ ରବିବାର ପ୍ରକାଶିତ ଏଗଜିଟ୍ ପୋଲ୍ ଅନୁଯାୟୀ ନବନିର୍ମିତ ବାମପନ୍ଥି ଏବଂ ଦକ୍ଷିଣପନ୍ଥି ରାଜନୈତିକ ଦଳକୁ ବଡ ବିଜୟ ମିଳିପାରେ । ଏଥିପାଇଁ ନ୍ୟାସନାଲ ଆସେମ୍ବ୍ଲିରେ ମାକ୍ରନ ବହୁମତ ହରାଉଥିବାର ପରିଲକ୍ଷିତ ହେଉଛି  ।

ଏଗଜିଟ୍ ପୋଲ୍ ପ୍ରକାଶ ପାଇବା ପରେ ଫ୍ରାନ୍ସ ରାଜନୀତିରେ ଝଡ ସୃଷ୍ଟି ହୋଇଛି । ଯେପର୍ଯ୍ୟନ୍ତ ମାକ୍ରନ ଅନ୍ୟ ଛୋଟ ଦଳ ସହ ମେଣ୍ଟ କରିବାରେ ସଫଳ ହୋଇନାହାନ୍ତି ସେପର୍ଯ୍ୟନ୍ତ ସୁଦ୍ଧା ଫ୍ରାନ୍ସରେ ଝୁଲା ସରକାରର ସମ୍ଭାବନା ବଢିଯାଇଛି । ଋଷ-ୟୁକ୍ରେନ ଯୁଦ୍ଧ ବନ୍ଦ ଦିଗରେ ୟୁରୋପୀୟ ନେତା ହିସାବରେ ମାକ୍ରନ ଏକ ବଡ ଭୂମିକା ଗ୍ରହଣ କରୁଛନ୍ତି  । କିନ୍ତୁ ଏପରି ସ୍ଥିତିରେ ନିଜ ଦେଶରେ ବହୁମତ ହାସଲ କରିନପାରିବା ଆଶଙ୍କା ସମସ୍ଯା ସୃଷ୍ଟି କରିଛି । ଆଂଶିକ ଫଳାଫଳ ଉପରେ ଆଧାରିତ ଆକଳନରୁ ଜଣାପଡୁଛି ଯେ ମାକ୍ରନଙ୍କ ପ୍ରାର୍ଥୀମାନେ ୨୦୦ରୁ ୨୫୦ ଆସନରେ ବିଜୟୀ ହେବେ  ।

ମୋଟ ଆସନ ସଂଖ୍ୟା ୫୭୭, ତେବେ ବହୁମତ ପାଇଁ ୨୮୯ ଆସନ ଆବଶ୍ୟକ  । ଆବଶ୍ୟକ ବହୁମତ ଠୁ ଆକଳନ କରାଯାଇଥିବା ଆସନ ସଂଖ୍ୟା ବହୁତ କମ୍ ରହିଛି  । ଯଦି ଆକଳନ ଅନୁଯାୟୀ ବାସ୍ତବିକ ଫଳାଫଳ ଆସେ ତେବେ ମାକ୍ରନଙ୍କୁ ବଡ ସମସ୍ଯାର ସମ୍ମୁଖୀନ ହେବାକୁ ପଡିପାରେ ।