ଫିଫା ବିଶ୍ବ କପ୍ ଫାଇନାଲରେ ମରକ୍କୋ; ଫ୍ରାନ୍ସକୁ ୨-୦ ଗୋଲରେ ହରାଇଲା

କତାର: ଲଗାତର ଦ୍ବିତୀୟ ଥର ପାଇଁ ଫିଫା ବିଶ୍ବ କପ୍ ଫାଇନାଲରେ ପହଞ୍ଚିଲା ଡିଫେଣ୍ଡିଂ ଚାମ୍ପିଅନ ଫ୍ରାନ୍ସ । ସେମିରେ ମରକ୍କୋକୁ ୨-୦ ଗୋଲରେ ହରାଇଲା ଫ୍ରାନ୍ସ । ଭାଙ୍ଗିଲା ମରକ୍କୋ ସ୍ବପ୍ନ । ଧୂଳିସାତ୍ ହେଲା ମରକ୍କୋର ପ୍ରଥମ ଫାଇନାଲ ଯାତ୍ରା । କତାରରେ ଖେଳାଯାଉଥିବା ଫିଫା ବିଶ୍ବକପ୍‌ ସେମିରେ ସାନଦାର ପ୍ରଦର୍ଶନ କରିଛି ଫ୍ରାନ୍ସ । ଏବେ ଟାଇଟଲ ପାଇଁ ଲିଓନେଲ ମେସିଙ୍କ ଆର୍ଜେଣ୍ଟିନା ଟିମ୍ ସହ ହେବ ଜୋରଦାର ମୁକାବିଲା । ଲଗାତର ୨ଥର ଓ ମୋଟ୍ ତୃତୀୟଥର ବାଜିମାତ୍ ପାଇଁ ତୟାରି କରୁଛି ଫ୍ରାନ୍ସ।

ତେବେ ଏହାପୂର୍ବରୁ ଫ୍ରାନ୍ସ ୩ଥର ଫାଇନାଲ ଖେଳିବା ସହ ୧୯୯୮ ଓ ୨୦୧୮ରେ ବିଜେତା ହୋଇଥିଲା । ୨୦୦୬ରେ ରନର୍ସଅପ୍ ଥିଲା ଫ୍ରାନ୍ସ । ଏଥର ଆର୍ଜେଣ୍ଟିନା ସହ ହେବ ଜୋରଦାର୍ ଟକ୍କର । ୧୮ ଡିସେମ୍ବରରେ ଫ୍ରାନ୍ସ ଓ ଆର୍ଜେଣ୍ଟିନା ମଧ୍ୟରେ ହେବ ଫାଇନାଲ ମ୍ୟାଚ୍ । ସୁପର ସନଡେରେ ହେବ ଏହି ସୁପର ଫାଇଟ୍ ।