ଛତିଶଗଡ ଅବୁଜମାଡରେ ଏନକାଉଣ୍ଟର, ୪ ମାଓବଦୀ ନିହତ

ନନ୍ଦିଘୋଷ ବ୍ୟୁରୋ: ଛତିଶଗଡ ଅବୁଜମାଡ ଜଙ୍ଗଲରେ ପୁଣି ଏନକାଉଣ୍ଟର । ସୁରକ୍ଷା କର୍ମୀଙ୍କ ଗୁଳିରେ ୪ ଜଣ ମାଓବାଦୀ ନିହତ ହୋଇଥିବା ବେଳେ ଜଣେ ଯବାନ ସହିଦ ହୋଇଛନ୍ତି । କୋଣ୍ଡାଗାଓ, ନାରାୟଣପୁର ଓ ଦନ୍ତେୱାଡା ଜିଲ୍ଲାର DRG ଓ STF ବାହିନୀର ମିଳିତ ନକ୍ସଲ ବିରୋଧୀ ଅପରେସନ ବେଳେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା ।

ଗତକାଲି ରାତିରେ ଏହି ଏନକାଉଣ୍ଟର ହୋଇଥିବା ବେଳେ ଆଜି ସକାଳେ ଅବୁଜମାଡ ଜଙ୍ଗଲରେ ସର୍ଚ୍ଚ ଅପରେସନ କରି ଯବାନ ମାନେ ୪ ଜଣ ନକ୍ସଲଙ୍କ ମୃତଦେହ ଉଦ୍ଧାର କରିଛନ୍ତି । ଘଟଣା ସ୍ଥଳରୁ AK-47 ଓ SLR ପରି ଅନେକ ଅତ୍ୟାଧୁନିକ ବନ୍ଧୁକ ଜବତ ହୋଇଛି । ମାଓବାଦୀଙ୍କ ଗୁଳିରେ ହେଡ୍ କନେଷ୍ଟବଳ ସନ୍ନୁ କରାମ ସହିଦ ହୋଇଛନ୍ତି।