ଗୋଡ଼ାଇ ଗୋଡ଼ାଇ ଲରେନ୍ସ ବିଷ୍ଣୋଇ ଗ୍ୟାଙ୍ଗ ସଦସ୍ୟଙ୍କୁ ଧରୁଛି ପୋଲିସ

ନୂଆଦିଲ୍ଲୀ: ଆଇନ ଜାଲରେ ଲରେନ୍ସ ବିଷ୍ଣୋଇ ଗ୍ୟାଙ୍ଗ । ବିଷ୍ଣୋଇର ସହଯୋଗୀଙ୍କୁ ଗୋଡ଼େଇ ଗୋଡ଼େ଼ଇ ଧରୁଛି ପୋଲିସ । ସାରା ଦେଶରେ ଚାଲିଛି ଅଭିଯାନ । ଏହି କ୍ରମରେ ମଧ୍ଯପ୍ରଦେଶର ଇନ୍ଦୋରରୁ ଲରେନ୍ସର ୪ ସହଯୋଗୀଙ୍କୁ ଗିରଫ କରିଛି ପୋଲିସ ।

ସେମାନେ ବିଭିନ୍ନ ଅପରାଧରେ ଜଡ଼ିତ ଅଛନ୍ତି । ତାଙ୍କୁ ଜେରା କରି ବିଷ୍ଣୋଇ ଗ୍ୟାଙ୍ଗର ଅପରାଧ ଓ ଭବିଷ୍ୟତର ଯୋଜନା ସଂପର୍କରେ ପୋଲିସ ତଥ୍ୟ ଗ୍ରହଣ କରିବ ବୋଲି ଜଣାପଡ଼ିଛି । ମୁମ୍ବାଇର ଏନସିପି ନେତା ବାବା ସିଦ୍ଦିକିଙ୍କୁ ହତ୍ୟା ଓ ସଲମାନ ଖାନଙ୍କୁ ଖୋଲାଖୋଲି ଧମକ ଦେବା ପରେ ଚର୍ଚ୍ଚାକୁ ଆସିଛି ବିଷ୍ଣୋଇ ଗ୍ୟାଙ୍ଗ । ସର୍ଦ୍ଦାର ଲରେନ୍ସ ନିଜେ ଗୁଜରାଟର ସାବରମତୀ ଜେଲରେ ଥିବା ବେଳେ ସେଠାରୁ ସେ ଗ୍ୟାଙ୍ଗ ଅପରେଟ କରୁଛି । ତା’ ଭାଇ ଅଛି ଆମେରିକାରେ । ଆମେରିକାରେ ତାକୁ ଗିରଫ କରାଯାଇଛି ।