ଚିଡିଆଖାନାରେ କରୋନା, ସିଂହ ସଂକ୍ରମିତ

ସ୍ପେନ: କରୋନା ମାନବ ସମାଜରେ ନିଜର ଅଧିକାର ଜାହିର କରିବା ପରେ ଏବେ ପଶୁଙ୍କ ମଧ୍ୟରେ ପ୍ରବେଶ କରିଛି । ସ୍ପେନର ବାରସେଲୋନା ଚିଡିଆଖାନାରେ କ୍ଷୀପ୍ର ବେଗରେ ବ୍ୟାପୁଛି କରୋନା । ବର୍ତ୍ତମାନ ସୁଦ୍ଧା ୪ ସିଂହ ସଂକ୍ରମିତ ହୋଇଥିବା ନେଇ ସ୍ପଷ୍ଟ କରିଛି ଚିଡିଆଖାନା ।

ସୁରକ୍ଷାକର୍ମୀଙ୍କ ତତ୍ୱାବଧାନରେ ସଂକ୍ରମିତ ସିଂହଙ୍କୁ କ୍ୱାରେଣ୍ଟାଇନରେ ରଖାଯାଇଛି । ତେବେ ସେମାନେ କେମିତି କରୋନା ସଂକ୍ରମିତ ହେଲେ ତାକୁ ନେଇ ଚାଲିଛି ତନାଘନା । ପୂର୍ବରୁ ନ୍ୟୁୟର୍କରେ ଗୋଟିଏ ବାଘ କରୋନା ସଂକ୍ରମଣ ଚିହ୍ନଟ ହୋଇଥିଲା । ମାନବ ଜାତିକୁ କଲବଲ କରିବା ପରେ ବିଶ୍ୱର ବିଭିନ୍ନ ସ୍ଥାନରେ ଏବେ ପଶୁ ପକ୍ଷୀଙ୍କୁ କରୋନା ହେଉଥିବା ଲକ୍ଷ୍ୟ କରାଯାଉଛି ।