ସାପ କାମୁଡ଼ାରେ ଚାଲିଗଲା ମା ଓ ପୁଅର ଜୀବନ । କେନ୍ଦୁଝର ଘସିପୁ୍ରା ବ୍ଲକ ରାଧିକାଦେଇପୁର ଗାଁରେ ଅଘଟଣ । ରାତିରେ ଖାଇ ସାର ଘରେ ଶୋଇଥିଲେ ବାପା, ମା ଓ ୯ ବର୍ଷର ପୁଅ । ହଠାତ ଘର ଭିତରକୁ ପଶି ଆସିଥିଲା ବିଷାକ୍ତ ସାପ । ଆଉ ସାପ କାମୁଡ଼ାରେ ଏକାବେଳକେ ଚାଲିଗଲା ମା ଓ ପୁଅର ଜୀବନ ।
ବର୍ତ୍ତିଗଲେ ବାପା । ମୃତକ ହେଲେ ସୁନୀଲ ମୁଣ୍ଡାଙ୍କ ପତ୍ନୀ ଜେମା ମୁଣ୍ଡା ଓ ପୁଅ ଗୋପାଳ । ରାତିରେ ପେଟରେ ଯନ୍ତ୍ରଣା ଓ ବାନ୍ତି ହେବାରୁ ସୁନୀଲ ସେମାନଙ୍କୁ ପ୍ରଥମେ କେଶଦୁରାପାଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଓ ପରେ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ଆଣିଥିଲେ। ଉଭୟ ମା ଓ ପୁଅଙ୍କୁ ମେଡିକାଲରେ ମୃତ ଘୋଷଣା କରିଛନ୍ତି ଡାକ୍ତର। ପୋଲିସ ପହଁଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି।
ସେହିପରି ଗଞ୍ଜାମ ଦିଗପହଣ୍ଡିରେ ସାପ କାମୁଡାରେ ମାଇଁ, ଭାଣିଜୀ ମୃତ। ପାତ୍ରପୁର ବ୍ଲକ ବୁରାତାଲ ପଂଚାୟତ ପାହାଡ଼ ଉପରେ ଥିବା ବିଲୁ ଗାଁରେ ଘଟିଛି ଅଭାବନୀୟ ଘଟଣା। ଘରେ ଶୋଇଥିବା ଅବସ୍ଥାରେ ସେମାନଙ୍କୁ ସାପ କାମୁଡିଥିଲା। ତେବେ ସେମାନଙ୍କୁ ମେଡିକାଲକୁ ନେବା ପୂର୍ବରୁ ମୃତ୍ୟୁ ଘଟିଥିଲା। ଶବ ବ୍ୟବଚ୍ଛେଦ ପାଇଁ ବ୍ରହ୍ମପୁରକୁ ପଠାଯାଇଛି। ମୃତକ ମାଇଁ ହେଲେ ଦମୟନ୍ତୀ ଶବର ଓ ଭାଣିଜୀ ଲିମି କାର୍ଜି।
