କାଲିଠୁ ୪ ଦିନିଆ ବ୍ରହ୍ମପୁର ସଟ୍ଡାଉନ୍
ବ୍ରହ୍ମପୁର: ଆସନ୍ତାକାଲିଠୁ ୪ ଦିନିଆ ବ୍ରହ୍ମପୁର ସଟ୍ଡାଉନ୍ । ଲଗାତାର ସହରରେ କରୋନା ସଂକ୍ରମଣ ବଢୁଥିବାରୁ ଏଭଳି ପଦକ୍ଷେପ ନେଇଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ । ଏହି ୪ ଦିନ ମଧ୍ୟରେ ସହରର ଘରକୁ ଘରକୁ ଯାଇ ସମସ୍ତଙ୍କ ସ୍ୱାସ୍ଥ୍ୟ ପରୀକ୍ଷା କରାଯିବ । ଏଥିସହ କଣ୍ଟାକ୍ଟ ଟ୍ରେସିଂ, ଆଇସୋଲେସନ୍, ହୋମ୍ କ୍ୱାରେଣ୍ଟାଇନ୍ ବ୍ୟବସ୍ଥାର ଯାଞ୍ଚ କରାଯିବ । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ୭୦ଟି ଟିମ୍ ଗଠନ କରାଯାଇଛି । ସଟ୍ଡାଉନ୍ ବେଳେ କେବଳ ସ୍ୱାସ୍ଥ୍ୟସେବା ଓ ଦୁଗ୍ଧ ବଣ୍ଟନ ଜାରି ରହିବ ।
ତେବେ ବ୍ରହ୍ମପୁର ସହରର ବାକି ସବୁ ଦୋକାନ ବଜାର ବନ୍ଦ ରହିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ଏହାସହ ବର୍ତ୍ତମାନ ସହରରର ବିଭିନ୍ନ ମୁଖ୍ୟ ଛକ ଗୁଡ଼ିକରେ ବ୍ୟାରିକେଡ କରାଯାଇ ଆବଦ୍ଧ କରାଯାଇଛି । ଆଜି ସକାଳ ୭ଟାରୁ ଦିନ ୨ଟା ଯାଏଁ ବ୍ରହ୍ମପୁର ସହରରେ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରହିଥିଲା । ତେବେ, ସାମାଜିକ ଦୂରତା ରକ୍ଷା କରିବା ସହ ମାସ୍କ ପିନ୍ଧିବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି ।
