ସାଙ୍ଗ ମେଳରେ ବୁଲିବା ହେଲା କାଳ: ପାଣି ଭର୍ତ୍ତି ଖାତରେ ବୁଡ଼ିଗଲେ ୪ ଶିଶୁ

ଜୟପୁର: ସାଙ୍ଗଙ୍କ ସହ ବୁଲିବା ୪ ଶୁଶଙ୍କ ପାଇଁ ହେଲା କାଳ । ଏକ ପାଣି ଭର୍ତ୍ତି ଖାତରେ ପଡି ଚାଲିଗଲା ୪ କୋମଳମତି ଶିଶୁଙ୍କ ଜୀବନ । ମୃତକଙ୍କ ମଧ୍ୟରେ ୩ ଜଣ ନାବାଳିକା ଥିବା ବେଳେ ଜଣେ ନାବାଳକ ଅଛନ୍ତି । ଏପରି ଅଭାବନୀୟ ଘଟଣା ଘଟିଛି କୋରାପୁଟ ସଦର ଥାନା ମାଝିଗୁଡ଼ାରେ ।

ସୂଚନା ଅନୁସାରେ, ମାଝିଗୁଡ଼ାରେ ଏକ ପାଣି ଭର୍ତ୍ତି ଖାତ ନିକଟରେ ୬ ଶିଶୁ ବୁଲାବୁଲି କରୁଥିବା ବେଳେ ୪ ଜଣ କୌଣସି କାରଣରୁ ସେଥିରେ ପଡି ଯାଇଥିଲେ । ପିଲାମାନଙ୍କ ବୟସ କମ ହୋଇଥିବା ବେଳେ ଖାତଟି ପାଣିରେ ଭର୍ତ୍ତି ହୋଇଥିଲା । ଫଳରେ ପିଲାମାନେ ସେଥିରୁ ଉଠି ନପାରି ବୁଡି ଯାଇଥିଲେ ।

ଖବର ପାଇବା ପରେ ବନ ବିଭାଗ ଓ ସଦର ଥାନା କର୍ମଚାରୀ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛନ୍ତି । ପିଲାମାନଙ୍କ ବୟସ ଜଣାପଡିନି । ତେବେ ପିଲାମାନେ ଉକ୍ତ ଖାତ ନିକଟରେ କ’ଣ କରୁଥିଲେ ସ୍ପଷ୍ଟ ହୋଇନାହିଁ । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକ ଖେଳିଯାଇଛି ।