କାର୍ ଦୁର୍ଘଟଣାରେ ଶିଳ୍ପପତି ସାଇରସ୍ ମିସ୍ତ୍ରୀଙ୍କ ପରଲୋକ

ପାଲଘର: ବିଶିଷ୍ଟ ଶିଳ୍ପପତି ତଥା ଟାଟା ସନ୍ସର ପୂର୍ବତନ ଅଧ୍ୟକ୍ଷ ସାଇରସ୍ ମିସ୍ତ୍ରୀଙ୍କ କାର ଦୁର୍ଘଟଣାରେ ପରଲୋକ । ମହାରାଷ୍ଟ୍ରର ପାଲଘର ନିକଟରେ ଦୁର୍ଘଟଣା ଘଟିଥିଲା । ଅହମ୍ମଦାବାଦରୁ ମୁମ୍ବାଇ ଯାଉଥିବାବେଳେ ଦୁର୍ଘଟଣା ଘଟିଥିଲା । ଦୁର୍ଘଟଣାଗ୍ରସ୍ତ କାରରୁ ତାଙ୍କୁ ଉଦ୍ଧାର କରାଯାଇ ମେଡିକାଲ ନିଆ ଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦୁର୍ଘଟଣାରେ ଅନ୍ୟ ଜଣଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ଆହତ ହୋଇଛନ୍ତି । ମୃତକ ଜଣଙ୍କ ପରିଚୟ ମିଳିପାରିନି । ପାଲଘର ନିକଟରେ ସାଇରସଙ୍କ ମର୍ସିଡିଜ କାର ଡିଭାଇଡରକୁ ପିଟିଥିଲା ।

୧୯୬୮ ଜୁଲାଇ ୪ରେ ଜନ୍ମଗ୍ରହଣ କରିଥିଲେ ସାଇରସ । ସେ ୨୦୧୨ରୁ ୨୦୧୬ ଯାଏଁ ଥିଲେ ଟାଟା ସନ୍ସର ଷଷ୍ଠ  ଚେୟାରମ୍ୟାନ । ସେ ଲଣ୍ଡନ ଇମ୍ପେରିଆଲ କଲେଜ, ଲଣ୍ଡନ ବିଜିନେସ ସ୍କୁଲରୁ ଶିକ୍ଷା ଲାଭ କରିଥିଲେ । ବମ୍ବେର ଏକ ପାର୍ସି ପରିବାରରେ ତାଙ୍କର ଜନ୍ମ ହୋଇଥିଲା ।