ମୋଦି ପ୍ରଧାନମନ୍ତ୍ରୀ ଥିଲା ଯାଏ ସମ୍ଭବ ନୁହେଁ: ଆଫ୍ରିଦ୍

ନୂଆଦିଲ୍ଲୀ: ଭାରତୀୟ ଉପମହାଦେଶରେ କ୍ରିକେଟରେ କ୍ରେଜ୍ ବେଶ ନିଆରା । ବିଶେଷ କରି ଭାରତ, ପାକିସ୍ତାନ, ଆଫଗାନିସ୍ତାନ, ବାଲାଂଦେଶ, ଶ୍ରୀଲଙ୍କାରେ କୋଟି କୋଟି କ୍ରିକେଟ ପ୍ରଂଶସକ ଦେଖିବାକୁ ମିଳିଥାଏ । ସେଥିପାଇଁ ତ କୁହାଯାଇଥାଏ “ମନୋରଞ୍ଜନ କା ବାପ୍ , ଇଣ୍ଡିଆ ଭର୍ସେସ ପାକ୍’’ । ହେଲେ ଭାରତ କିମ୍ବା ପାକିସ୍ତାନ ମାଟିରେ ଉଭୟ ଦେଶ ପରସ୍ପରକୁ ଭେଟିବା ସମ୍ଭବ ହେଉ ନାହିଁ । ଦୁଇ ଦଳ ପରସ୍ପର ସହ ମୁହାଁମୁହିଁ ହେଉଛନ୍ତି ହେଲେ ବିଦେଶ ମାଟିରେ । ତାହା ପୁଣି କୌଣସି ଆଇସିସି ଇଭେଣ୍ଟରେ ।

ଏହି ସମୟରେ ଫଟାଫଟ କ୍ରିକେଟର ମହାକୁମ୍ଭ ଇଣ୍ଡିଆନ ପ୍ରିମିୟର ଲିଗ(ଆଇପିଏଲ୍) ଜାରି ରହିଛି । ଏଥିରେ କ୍ରିକେଟ ଖେଳୁଥିବା ପ୍ରାୟ ପ୍ରତ୍ୟେକ ଦେଶରେ ଖେଳାଳିଙ୍କ ଉପସ୍ଥିତି ରହିଛି । ହେଲେ ପଡୋଶୀ ପାକିସ୍ତାନ ଖେଳାଳି ଏଥିରେ ଅଂଶଗ୍ରହଣ କରୁ ନାହାନ୍ତି । ୨୦୦୮ର ମୁମ୍ବାଇ ଆକ୍ରମଣ ଏବଂ ଏହା ପରେ ସୀମା ଆତଙ୍କବାଦକୁ ପ୍ରୋତ୍ସାହନ ଦେବା କାରଣରୁ ପାକ୍ ଦଳକୁ ବର୍ଜନ କରାଯାଇଛି । ହେଲେ ଏହି ସମୟରେ ଉଭୟ ଦେଶର କ୍ରିକେଟ ସମ୍ପର୍କ ନେଇ ପୂର୍ବତନ ପାକ କ୍ରିକେଟର ଶାହିଦ ଆଫ୍ରିଦଙ୍କୁ ପକ୍ଷରୁ ବଡ଼ ବୟାନ ଆସିଛି ।

ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆଫ୍ରିଦ୍ଏ ହି ବିବାଦକୁ ଟାଣି ଆଣିଛନ୍ତି । ସେ କହିଛନ୍ତି, ଯେ ପର୍ଯ୍ୟନ୍ତ ନରେନ୍ଦ୍ର ମୋଦି ଭାରତର ପ୍ରଧାନମନ୍ତ୍ରୀ ପଦରେ ଥିବେ, ସେ ପର୍ଯ୍ୟନ୍ତ ଭାରତ-ପାକ୍ ମଧ୍ୟରେ ଦ୍ୱିପାକ୍ଷିକ ସିରିଜ ସମ୍ଭବ ହେବ ନାହିଁ । ସେହିପରି ପାକିସ୍ତାନ ଖେଳାଳିମାନେ ଆଇପିଏଲକୁ ମିସ୍ କରୁଛନ୍ତି । ଏହି ପ୍ରତିଯୋଗିତା ପାକିସ୍ତାନର ଯୁବ କ୍ରିକେଟଙ୍କ ଦକ୍ଷତା ବୃଦ୍ଧିରେ ସହାୟକ ହୋଇଥାଆନ୍ତା ବୋଲି ଶାହିଦ କହିଛନ୍ତି ।
ଆରବ ନିଉଜ ଚ୍ୟାନେଲକୁ ଦେଉଥିବା ଏକ ସାକ୍ଷାତକାରରେ ଆଫ୍ରିଦି ଏହି ସବୁ ମନ୍ତବ୍ୟ ଦେଇଛନ୍ତି । ଶାହିଦ କହିଥିଲେ ଯେ, ପାକିସ୍ତାନ ସରକାର ଭାରତ ସହ କ୍ରିକେଟ ଖେଳିବା ପ୍ରସଙ୍ଗକୁ ନେଇ ସବୁବେଳେ ପ୍ରସ୍ତୁତ । ହେଲେ ଭାରତରେ କ୍ଷମତାସୀନ ବର୍ତ୍ତମାନର ସରକାର ଏହା କରାଇ ଦେବେ ନାହିଁ । ବିଶେଷ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଧାନମନ୍ତ୍ରୀତ୍ୱ କାଳରେ ଏହା ସମ୍ଭବ ନୁହେଁ । ଅନୁରୂପଭାବେ ଆଇପିଏଲ ନ ଖେଳିବା ଦ୍ୱାରା ପାକ ଖେଳାଳିଙ୍କ କ୍ଷତି ସହୁଥିବା ବୁମବୁମ୍ ପ୍ଲେୟାର ସ୍ୱୀକାର କରିଛନ୍ତି ।