ଗିରଫ ହେଲେ ପୂର୍ବତନ ବିଚାରପତି କର୍ଣନ
ଚେନ୍ନାଇ: ମାଦ୍ରାସ ହାଇକୋର୍ଟର ପୂର୍ବତନ ବିଚାରପତି ଗିରଫ । ଜଷ୍ଟିସ କର୍ଣନ କୋର୍ଟ ଷ୍ଟାଫ ଏବଂ ତାଙ୍କ ପରିବାର ସଦସ୍ୟଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇ ଏବେ ହରଡଘଣାରେ । ଖୋଦ କର୍ଣନ କୋର୍ଟ ଷ୍ଟାଫ ଏବଂ ତାଙ୍କ ପରିବାର ସଦସ୍ୟଙ୍କ ବିରୋଧରେ ଏକ ଭିଡିଓ ଜରିଆରେ ଦେଇଥିଲେ କିଛି ଆପତ୍ତିଜନକ ମନ୍ତବ୍ୟ । ଯେଉଁଥିପାଇଁ ମାଦ୍ରାସା ହାଇକୋର୍ଟର ପୂର୍ବତନ ବିଚାରପତି ଜଷ୍ଟିସ କର୍ଣନଙ୍କୁ ବୁଧବାର ଚେନ୍ନାଇରୁ ଗିରଫ କରାଯାଇଛି ।
ଜର୍ଜ କର୍ଣନ ପୂର୍ବରୁ ମାଦ୍ରାସା ହାଇକୋର୍ଟ ଏବଂ କୋଲକାତା ହାଇକୋର୍ଟରେ ବିଚାରପତି ଭାବେ କାର୍ଯ୍ୟ କରିଛନ୍ତି । କିନ୍ତୁ ମାଦ୍ରାସା ହାଇକୋର୍ଟରୁ କାର୍ଯ୍ୟ ସରିବା ପରେ କର୍ଣନ ବର୍ତ୍ତମାନର ବିଚାରପତି, କୋର୍ଟ ସଦସ୍ୟ ଏବଂ ତାଙ୍କ ପରିବାର ବିରୋଧରେ ଅଶାଳୀନ ମନ୍ତବ୍ୟ ଜାରି କରିଥିଲେ । ତାହା ପୁଣି ଭିଡିଓ ମାଧ୍ୟମରେ । ଯେଉଁଥିପାଇଁ ଖୋଦ କୋର୍ଟ ଷ୍ଟାଫ କୋର୍ଟର ଦ୍ୱାରସ୍ଥ ହୋଇଥିଲେ ।
ପ୍ରଥମେ ପୁଡୁଚେରୀ ବାର କାଉନ୍ସିଲରେ ଜର୍ଜ କର୍ଣନଙ୍କ ବିରୋଧରେ ଅଭିଯୋଗ ଦାୟର ହୋଇଥିଲା । ୪ଟି ଦଫା ଲାଗିଥିବାବେଳେ କିନ୍ତୁ ଗିରଫ କରାଯାଇନଥିଲା । ଏହାପରେ ପୁଣି ମାଦ୍ରାସା ହୋଇକୋର୍ଟରେ ଦାଖଲ ହୋଇଥିଲା ଅଭିଯୋଗ । ପୁରୁଣା ଅଭିଯୋଗକୁ ଆଧାରକରି ବୁଧବାର କୋର୍ଟ ନେଇଛି ଆକ୍ସନ । ପୂର୍ବତନ ଜର୍ଜ କର୍ଣନଙ୍କୁ ତାଙ୍କ ବାସଭବନରୁ ଗିରଫ କରିଛି ପୋଲିସ ।
