କଟକ: ଓଡ଼ିଶା କ୍ରିକେଟ ଆସୋସିଏସନର ପୂର୍ବତନ ଯୁଗ୍ମ ସମ୍ପାଦକ ସତ୍ୟବ୍ରତ ବେହେରାଙ୍କ ପରଲୋକ । ସତ୍ୟବ୍ରତ କଟକ ଜିଲ୍ଲା କ୍ରିକେଟ ସଂଘ ସଭାପତି ଭାବେ ଦୀର୍ଘ ବର୍ଷ ଧରି ଦକ୍ଷତାର ସହ କାର୍ଯ୍ୟ କରିଥିଲେ। ଅନେକ ଉଦିୟମାନ କ୍ରିକେଟ ପ୍ରତିଭାଙ୍କୁ ସାମ୍ନାକୁ ଆଣିବାରେ ତାଙ୍କର ପ୍ରମୁଖ ଭୂମିକା ରହିଥିଲା ।
ଓସିଏର ପୂର୍ବତନ ସମ୍ପାଦକ ଆର୍ଶୀବାଦ ବେହେରାଙ୍କ ବଡ଼ ପୁଅ ହେଉଛନ୍ତି ସତ୍ୟବ୍ରତ। ତାଙ୍କ ସାନ ଭାଇ ସଞ୍ଜୟ ବେହେରା ଏବେ ଓସିଏର ସମ୍ପାଦକ ଦାଇତ୍ୱରେ ରହିଛନ୍ତି। ସତ୍ୟବ୍ରତ ଆଜିକୁ ଦୀର୍ଘ ବର୍ଷ ହେବ ସ୍ନାୟୁ ରୋଗରେ ପୀଡିତ ହୋଇ ଚିକିତ୍ସିତ ହୋଇ ଆସୁଥିଲେ। ଗତ ସପ୍ତାହେ ତଳେ ବ୍ରେନ ଷ୍ଟ୍ରୋକ ରେ ପୀଡିତ ହୋଇ ସିଡିଏର ଏକ ଘରୋଇ ହସ୍ପିଟାଲର ICU ଭେଣ୍ଟିଲେଟରରେ ଚିକିତ୍ସିତ ହେଉଥିଲେ। ପରଲୋକ ବେଳକୁ ତାଙ୍କୁ ୫୨ ବର୍ଷ ହୋଇଥିଲା। ତାଙ୍କ ବିୟୋଗ ଖବର ପାଇ ଡିଅର ପାର୍କ ସ୍ଥିତ ବାସଭବନରେ ଅନେକ ରାଜନୀତିଜ୍ଞ, କ୍ରିକେଟର ରାଜନେତା ଶେଷ ଦର୍ଶନ କରିଛନ୍ତି। ତାଙ୍କ ଶେଷକୃତ ସ୍ୱର୍ଗଦ୍ୱାରରେ କରାଯିବ ନେଇ ପରିବାର ପକ୍ଷରୁ କୁହାଯାଇଛି।
