ଚାକିରି କରାଇ ଦେବା କହି ଠକେଇ କରି ଫସିଲେ ପୂର୍ବତନ କିରାଣୀ

ବଲାଙ୍ଗୀର: ଚାକିରି କରାଇ ଦେବା ନାଁରେ ଠକେଇ କରି ଫସିଲେ ପୂର୍ବତନ କିରାଣୀ । ଯୁବକ ଯୁବତୀଙ୍କୁ ବଲାଙ୍ଗୀର ଚାକିରି କରାଇ ଦେବାକୁ କହି ଲକ୍ଷାଧିକ ଟଙ୍କା ଠକେଇ ଅଭିଯୋଗରେ ଗିରଫ ହେଲେ ବଲାଙ୍ଗୀର ଜିଲ୍ଲା ଟିଟିଲାଗଡ଼ ତହସିଲର ପୂର୍ବତନ ବରିଷ୍ଠ କିରାଣୀ ଓମ ପ୍ରକାଶ କୁମ୍ଭାର । ଅଭିଯୁକ୍ତ ଓମ ପ୍ରକାଶକୁ ଭୁବନେଶ୍ୱର କଳ୍ପନା ଛକ ନିକଟରୁ ଗିରଫ କଲା ଟିଟିଲାଗଡ଼ ପୋଲିସ । ଓମ ପ୍ରକାଶ ଟିଟିଲାଗଡ଼ ତହସିଲ କାର୍ଯ୍ୟାଳୟରେ କାର୍ଯ୍ୟକରୁ ଥିବାବେଳେ ନୀରିହ ଯୁବକ ଯୁବତୀଙ୍କୁ ଏସଏସସି ଓ ୟୁପିଏସସିରେ ଚାକିରି କରେଇ ଦେବାକୁ କହି ଲକ୍ଷାଧିକ ଟଙ୍କା ଠକି ଥିଲେ । 17 ଜଣଙ୍କ ଠାରୁ ପ୍ରାୟ ୨୬ ଲକ୍ଷ୍ୟ ଟଙ୍କା ଠକି ନେଇଛନ୍ତି ଓମ ପ୍ରକାଶ । ବହୁ ଦିନ ଧରି ଚାକିରୀ ନ ମିଳିବାରୁ ଆଶାୟୀମାନେ ଟିଟିଲାଗଡ଼ ଥାନାରେ ଲିଖିତ ଅଭିଯୋଗ କରିଥିଲେ । ଗତ କାଲି ଟିଟିଲାଗଡ଼ ପୋଲିସ ଅଭିଯୁକ୍ତ କିରାଣୀକୁ ଭୁବନେଶ୍ୱରରୁ ଗିରଫ କରିଛି ।