କାଶ୍ମୀରର ଅନନ୍ତନାଗରେ ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତିଙ୍କ ଗାଡ଼ି ଦୁର୍ଘଟଣା
ନନ୍ଦିଘୋଷ ବ୍ୟୁରୋ : ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତିଙ୍କ କାର ଏକ ଦୁର୍ଘଟଣାର ସମ୍ମୁଖୀନ ହୋଇଛି । ଏହି ଦୁର୍ଘଟଣା ଦକ୍ଷିଣ କାଶ୍ମୀରର ଅନନ୍ତନାଗରେ ଘଟିଛି । ତେବେ ସେ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି । ଘଟଣାରୁ ପ୍ରକାଶ ଯେ ତାଙ୍କ ବ୍ୟକ୍ତିଗତ ସୁରକ୍ଷା ପାଇଁ ନିୟୋଜିତ ଜଣେ ପୋଲିସ କର୍ମଚାରୀ ଏହି ଦୁର୍ଘଟଣାରେ ସାମାନ୍ୟ ଆହତ ହୋଇଛନ୍ତି । ପୂର୍ବତନ ସିଏମ ଓମାର ଅବଦୁଲ୍ଲା କହିଛନ୍ତି ଯେ ସରକାର ଦୁର୍ଘଟଣାର ପରିସ୍ଥିତିକୁ ଅନୁଧ୍ୟାନ କରିବା ଉଚିତ୍। ଏହି ଦୁର୍ଘଟଣା ସମ୍ପର୍କରେ ସୂଚନା ଦେଇ ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ର ମିଡିଆ ସେଲ୍ କହିଛି ଯେ ପିଡିପି ମୁଖ୍ୟ ମେହବୁବା ମୁଫତିଙ୍କ କାର ଜାମ୍ମୁ କାଶ୍ମୀରର ଅନନ୍ତନାଗକୁ ଯାଉଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଛି। ପୂର୍ବତନ ମୁଖ୍ୟମନ୍ତ୍ରୀ ଏବଂ ତାଙ୍କ ସୁରକ୍ଷା ଅଧିକାରୀମାନେ ଲୌଣସି ଗୁରୁତର ଆହତ ନ ହୋଇ ସୁରକ୍ଷିତ ଅଛନ୍ତି । ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀଙ୍କ କାର ସାଙ୍ଗାମରେ ଅନ୍ୟ ଏକ ଗାଡି ସହିତ ଧକ୍କା ହୋଇଥିଲା । ପୂର୍ବତନ ସିଏମ ଓମାର ଅବଦୁଲ୍ଲା କହିଛନ୍ତି ଏହି ଘଟଣା ଅତ୍ୟନ୍ତ ହୃଦୟସ୍ପର୍ଶୀ ଅଟେ । ମୁଁ ଆଶା କରୁଛି ଦୁର୍ଘଟଣାର ସ୍ଥିତିକୁ ନେଇ ସରକାର ଅନୁସନ୍ଧାନ କରିବେ। ସେମାନଙ୍କ ସୁରକ୍ଷା କ୍ଷେତ୍ରରେ ଥିବା ତ୍ରୁଟିଗୁଡିକ ତୁରନ୍ତ ସଂଶୋଧନ କରାଯିବା ଉଚିତ୍ । ”
ସୂଚନା ଅନୁସାରେ ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି ଖାନବଲ ଅଗ୍ନିକାଣ୍ଡରେ ପୀଡିତଙ୍କୁ ଭେଟିବାକୁ ଯାଉଥିଲେ । ଦୁଇ ଦିନ ପୂର୍ବେ ୟୁନିଅନ ଅଞ୍ଚଳର ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାର ଖାନବଲ ଅଞ୍ଚଳର ବୋଟ କଲୋନୀରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଥିଲା ଯେଉଁ ଅଗ୍ନିକାଣ୍ଡରେ ୧୩ଜଣଙ୍କ ଘର ପୋଡି ପାଉଁଶ ହୋଇଯାଇଥିଲା। ଅଧିକାରୀମାନେ ମଙ୍ଗଳବାର ଦିନ ଏହି ଘଟଣା ସମ୍ପର୍କରେ କହିଛନ୍ତି ଯେ ପ୍ରାୟ ୩ ଟା ସମୟରେ ଏକ କୋଠାରେ ନିଆଁ ଲାଗିଯାଇଥିଲା ଏବଂ ଏହା ଧୀରେ ଧୀରେ ଅନ୍ୟ ଅଟ୍ଟାଳିକାକୁ ବ୍ୟାପି ଯାଇ ଅତି କମରେ ୧୩ ଟି ପରିବାରର ଘରେ ବ୍ୟାପକ କ୍ଷତି ଘଟିଥିଲା। ଅଧିକାରୀ କହିଛନ୍ତି ଯେ ଅଗ୍ନିକାଣ୍ଡ ଯୋଗୁଁ ଘରଗୁଡ଼ିକ ବହୁ କ୍ଷତିଗ୍ରସ୍ତ ହୋଇଛି, କିନ୍ତୁ ଦୁର୍ଘଟଣାରେ କାହାର ମୃତ୍ୟୁ ଘଟିଥିବା ଖବର ମିଳିନାହିଁ। ପୀଡିତଙ୍କ ପରିବାରକୁ ସରକାର କ୍ଷତିପୂରଣ ପ୍ରଦାନ କରିବାକୁ ସ୍ଥାନୀୟ ଲୋକ ଦାବି କରିଛନ୍ତି । ଏହି ଲୋକମାନେ ଦାବି କରିଛନ୍ତି ଯେ, “ଏହି ପ୍ରବଳ ଥଣ୍ଡା ସମୟରେ ସରକାର ସେମାନଙ୍କ ପରିବାରକୁ କ୍ଷତିପୂରଣ ଦେବା ଉଚିତ ଏବଂ ସେମାନଙ୍କୁ ନିରାପଦ ସ୍ଥାନକୁ ସ୍ଥାନାନ୍ତର କରିବା ଉଚିତ୍।” ଅଗ୍ନିକାଣ୍ଡ ଘଟଣା ପରେ ଅନନ୍ତନାଗ ଡେପୁଟି କମିଶନର ସୟଦ ଫଖରୁଦ୍ଦିନ ହମିଦ ଘଟଣାସ୍ଥଳ ପରିଦର୍ଶନ କରି ପରିବାର ଲୋକଙ୍କୁ ଜିଲ୍ଲା ପ୍ରଶାସନର ସମ୍ପୂର୍ଣ୍ଣ ସହାୟତା ପ୍ରଦାନ କରିବାକୁ ଆଶ୍ୱାସନା ଦେଇଥିଲେ ।
