ବିଜେଡିରେ ମିଶିଲେ ବିଜେପିର ପୂର୍ବତନ ବିଧାୟକ ପ୍ରାର୍ଥୀ ପ୍ରଦୀପ ନାୟକ

ଭୁବନେଶ୍ବର: ରାଜ୍ୟରେ ୨୫ରେ ତୃତୀୟ ଓ ଜୁନ ୧ରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ । ହେଲେ ବିଜେପିକୁ ଝଟକା ଲାଗିବା ବନ୍ଦ ହେଉନି । ରାଜ୍ୟ ବିଜେପିର ଆଜି ଆଉ ଜଣେ ତୁଙ୍ଗ ନେତା ବିଜେପି ଡାଛି ବିଜେଡିରେ ମିଶିଛନ୍ତି । ସେ ହେଲେ ଭଦ୍ରକ ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ଡାକ୍ତର ପ୍ରଦୀପ କୁମାର ନାୟକ ।

ରାଜ୍ୟସଭା ସାଂସଦ ସସ୍ମିତ ପାତ୍ର, ବିଜେଡି ମୁଖପାତ୍ର ପ୍ରିୟବ୍ରତ ମାଝୀ ପ୍ରଦୀପଙ୍କୁ ଦଳକୁ ସ୍ବାଗତ କରିଛନ୍ତି । ପ୍ରଦୀପଙ୍କ ଯୋଗଦାନ ଭଦ୍ରକ ଲୋକସଭା କ୍ଷେତ୍ରରେ ବିଜେଡିକୁ ଆହୁରି ଶକ୍ତିଶାଳୀ କରିବ ବୋଲି କହିଛନ୍ତି ସସ୍ମିତ । ବିଜେଡି ରାଜ୍ଯର ବିକାଶ ପାଇଁ ନିରନ୍ତର ପ୍ରଚେଷ୍ଟା କରୁଛି । ଏଣୁ ନବୀନଙ୍କୁ ଷଷ୍ଠ ଥର ମୁଖ୍ଯମନ୍ତ୍ରୀ କରିବାକୁ ସମସ୍ତେ ସଂକଳ୍ପ ନେଇଛନ୍ତି ବୋଲି ପ୍ରଦୀପ କହିଛନ୍ତି ।