ଅବସରପ୍ରାପ୍ତ ଭାଇସ ମାର୍ସଲ ଶିବରାମ ମହାପାତ୍ରଙ୍କ ପରଲୋକ, ସ୍ବର୍ଗଦ୍ବାରରେ ଶେଷକୃତ୍ୟ

ପୁରୀ: ଅବସରପ୍ରାପ୍ତ ଭାଇସ ମାର୍ସଲ ଡ. ଶିବରାମ ମହାପାତ୍ରଙ୍କ ପରଲୋକ । ୭୨ ବର୍ଷ ବୟସରେ ଶୁକ୍ରବାର ରାତିରେ ଶେଷ ନିଶ୍ବାସ ତ୍ୟାଗ କରିଛନ୍ତି । ଭାରତୀୟ ବାୟୁ ସେନାରେ ଡାକ୍ତର ଭାବେ କାମ କରି ସୁନାମ ଅର୍ଜନ କରିଥିଲେ । ୧୯୯୯ କାରଗିଲ ଯୁଦ୍ଧରେ ଉଲ୍ଲେଖନୀୟ ଅବଦାନ ପାଇଁ ରାଷ୍ଟ୍ରପତିଙ୍କଠାରୁ ଅତି ବିଶିଷ୍ଟ ସେବା ପଦକରେ ସମ୍ମାନିତ ହୋଇଥିଲେ ।

ପୁରୀ ଜିଲ୍ଲା ନରସିଂହପୁରରେ ଜନ୍ମ ଗ୍ରହଣ କରିଥିଲେ ସ୍ବର୍ଗତ ମହାପାତ୍ର । ଗାର୍ଡ ଅଫ୍ ଅନର୍ ପ୍ରଦାନ ପରେ ପୁରୀ ସ୍ବର୍ଗଦ୍ବାରରେ ଶେଷକୃତ୍ୟ ସମ୍ପନ୍ନ । ପୁଅ କେତକ ମହାପାତ୍ର ମୁଖାଗ୍ନୀ ଦେଇଥିବା ବେଳେ ଭଣଜା ଶ୍ରୀନିବାସ ମିଶ୍ର ଓ ଅନ୍ୟ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ ।