ହାତୀ ଘଉଡାଇବାକୁ ଯାଇ ଆକ୍ରମଣର ଶିକାର ହେଲେ ଫରେଷ୍ଟର
1 min read
ଅନୁଗୁଳ: ବନଖଣ୍ଡ ବନ୍ତଳା ରେଞ୍ଜର ଫରେଷ୍ଟରଙ୍କୁ ଆକ୍ରମଣ ଅଭିଯୋଗ । ରାତିରେ ଫରେଷ୍ଟର ପ୍ରଦୀପ ପ୍ରଧାନ ହାତୀ ଘଉଡାଇବାକୁ ଯାଇଥିବା ସମୟରେ ଗଡ଼ତରାସ ଅଞ୍ଚଳର ଜଣେ ବ୍ୟକ୍ତି ତାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ଏ ନେଇ ବନ୍ତଳା ଥାନାରେ ଅଭିଯୋଗ କରିଥିବା ଜଣାପଡିଛି ।
ଗଡ଼ତରାସ ଅଞ୍ଚଳରେ ହାତୀପଲ ଥିବା ଖବର ପାଇ ପ୍ରଦୀପ ଯାଇଥିଲେ। ହାତୀ ଯୋଗୁଁ କ୍ଷୟକ୍ଷତି ହେଉଥିବାବେଳେ ସଠିକ କ୍ଷତିପୂରଣ ମିଳୁନଥିବା ନେଇ ସେଠାରେ ପ୍ରଦୀପଙ୍କ ସହ ଜଣେ ବ୍ୟକ୍ତିଙ୍କ ବଚସା ହୋଇଥିଲା । ହଠାତ ଉତକ୍ଷିପ୍ତ ହୋଇ ବ୍ୟକ୍ତି ଜଣକ ପ୍ରଦୀପଙ୍କୁ ଆକ୍ରମଣ କରିଥିଲା ।
ଫଳରେ ପ୍ରଦୀପଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ପରେ ତାଙ୍କୁ ବନ ବିଭାଗ କର୍ମଚାରୀ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ଘଟଣାର ତଦନ୍ତ ଚାଲିଥିବା ଅନୁଗୋଳ DFO ସୂଚନା ଦେଇଛନ୍ତି ।
