ଶିକାରୀ ଗୁଳିରେ ଫରେଷ୍ଟରଙ୍କ ମୃତ୍ୟୁ ମାମଲା, ୧୦ ଶିକାରୀ ଗିରଫ

ବାରିପଦା: ବାରିପଦାରେ ଶିକାରୀ ଗୁଳିରେ ଫରେଷ୍ଟରଙ୍କ ମୃତ୍ୟୁ ମାମଲା । ୧୦ ଶିକାରୀଙ୍କୁ ଗିରଫ କଲା ମୟୂରଭଂଜ ପୋଲିସ । ମୁଖ୍ୟ ଅଭିଯୁକ୍ତ ରମାଇ କଣ୍ଡିଆନ ସମେତ ୧୦ ଗିରଫ । ଅଭିଯୁକ୍ତ ୧୦ ଶିକାରୀଙ୍କ ଘର ଏଡେଲବେଡା ଅଞ୍ଚଳରେ ହୋଇଥିବା ସୂଚନା ମିଳିଛି । ସେମାନଙ୍କ ନିକଟରୁ ୨ ଦେଶୀ ବନ୍ଧୁକ, ଧନୁ-ତୀର ଜବତ କରିଛି ପୋଲିସ । ଅଭିଯୁକ୍ତଙ୍କ ବିରୋଧରେ କେସ ନମ୍ବର ୬୪/୨ରେ ଆଇପିସିର ଧାରା ୩୦୨, ୩୪, ଅସ୍ତ୍ରଶସ୍ତ୍ର ନିରୋଧ ଆଇର ଧାରା ଓ ୨୭ରେ ମାମଲା ରୁଜୁ ହୋଇଛି । ଗିରଫ ଅଭିଯୁକ୍ତଙ୍କ ମଧ୍ୟରୁ ୫ ଜଣଙ୍କ ନାଁରେ ପୂର୍ବରୁ ଠାକୁରମୁଣ୍ଡା ଥାନାରେ ଶିକାର କରିବା ଅଭିଯୋଗରେ ମାମଲା ରହିଛି ।

ଘଟଣାରେ ଜଡ଼ିତ ଅନ୍ୟ ଅଭିଯୁକ୍ତଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ ବୋଲି ମୟୂରଭଞ୍ଜ ଏସପି କହିଛନ୍ତି । ଶିମିଳିପାଳରେ ଶିକାରୀଙ୍କ ଗୁଳିରେ ଫରେଷ୍ଟର ମାଥି ହାଁସଦାଙ୍କର ମୃତ୍ୟୁ ହୋଇଥିଲା । ଶିମିଳିପାଳ ସାଉଥ୍ ଜୋନରେ ରାତି ଅଧରେ ଶିକାରୀଙ୍କ ଗୁଳି ଶବ୍ଦ ଶୁଣି ମୁକାବିଲା କରିବାକୁ ବାହାରିଥିଲେ ଫରେଷ୍ଟର ମାଥି ହାଁସଦା ।ଶିକାରୀମାନଙ୍କୁ ଅସ୍ତ୍ରଶସ୍ତ୍ର ସମର୍ପଣ କରିବାକୁ କୁହାଯାଇଥିଲେ ଫରେଷ୍ଟ ବିଟ୍ ହାଉସରେ ଶିକାରୀଙ୍କ ଅଚାନକ ଗୁଳି ଚାଳନା କରିଥିଲେ । ଫରେଷ୍ଟରଙ୍କ ଛାତିରେ ତିନୋଟି ଗୁଳି ବାଜି ମୃତ୍ୟୁ ହୋଇଥିଲା ।