ଅସୁସ୍ଥ ହାତୀଛୁଆର ଚିକିତ୍ସା ପାଇଁ ଡାବରଚୁଆ ଜଙ୍ଗଲରେ ଚାଲିଛି ସଂଘର୍ଷ
1 min read
କେନ୍ଦୁଝର: ଅସୁସ୍ଥ ହାତୀଛୁଆକୁ ଟ୍ରାଙ୍କୁଲାଇଜ୍ କରି ଚିକିତ୍ସା କରିବାକୁ ଉଦ୍ୟମ । କେନ୍ଦୁଝର ବନବିଭାଗର ଟିମ ହାତୀଛୁଆକୁ ଚିକିତ୍ସା କରିବାକୁ ଏହି ପ୍ରୟାସ ଚଳାଇଛି । ଘଟଣାସ୍ଥଳରେ କେନ୍ଦୁଝର DFO, ନନ୍ଦନକାନନରୁ ଆସିଥିବା ଟିମ୍, ପ୍ରାଣୀ ଚିକିତ୍ସକ, ଟ୍ରାଙ୍କୁଲାଇଜର୍ ଟିମ୍ ସମସ୍ତେ ଡ଼େରା ପକାଇଛନ୍ତି। ୧୨ ଟିକିଆ ହାତୀପଲଙ୍କ ଦଳରେ ରହିଛି ଏହି ଛୁଆ ହାତୀ ।
ଡାହାଣପଟ ଆଗ ଗୋଡ଼ରେ ଆଘାତ ଲାଗିଥିବାରୁ ହାତୀ ଛୁଆଟି ଅସୁସ୍ଥ ହୋଇ ପଡିଛି। ତେବେ ହାତୀଛୁଆକୁ ଟ୍ରାଙ୍କୁଲାଇଜ କରି ଚିକିତ୍ସା କରିବାକୁ ଚେଷ୍ଟା କଲେ ମଧ୍ୟ ବନ ବିଭାଗ ସଫଳ ହୋଇପାରିନାହିଁ। ୬ ମାସର ଅସୁସ୍ଥ ହାତୀ ଛୁଆକୁ ମା ହାତୀ ଓ ଅନ୍ୟ ହାତୀପଲ ପାଖରୁ ଛାଡ଼ୁ ନଥିବାରୁ ଏହା ବନ ବିଭାଗ ପାଇଁ ମୁଣ୍ଡବ୍ୟଥାର କାରଣ ପାଲଟିଛି । କେନ୍ଦୁଝର ଜିଲ୍ଲା ପାଟଣା ରେଞ୍ଜ ଡାବରଚୁଆ ସଂରକ୍ଷିତ ଜଙ୍ଗଲରେ ଜାରି ରହିଛି ଉଦ୍ଧାର କାର୍ଯ୍ୟ । ଅତିଶୀଘ୍ର ଅସୁସ୍ଥ ହାତୀଛୁଆକୁ ଉଦ୍ଧାର କରି ଚିକିତ୍ସା କରାଯିବ ବୋଲି କହିଛନ୍ତି DFO । ହାତୀ ଛୁଆର ଚିକିତ୍ସା ପାଇଁ ସ୍ଥାନୀୟ ଗ୍ରାମବାସୀ ସହଯୋଗ କରୁଛନ୍ତି।…
