ଝାଡାବାନ୍ତିରୁ ମୁକ୍ତି ପାଇବା ପାଇଁ ରାତି ଅଧରେ ହୋମ ଯଜ୍ଞ

ବଲାଙ୍ଗୀର : ଝାଡାବାନ୍ତିରୁ ମୁକ୍ତି ପାଇବା ପାଇଁ ପୂଜାପାଠ। ରାତି ଅଧରେ ହୋମ କରି ରୋଗ ଦୂର କରିବାକୁ ପ୍ରୟାସ। ବଲାଙ୍ଗିର ବଙ୍ଗୋମୁଣ୍ଡା ଜାମତରାରେ ଏଭଳି ଦୃଶ୍ଯ ଦେଖିବାକୁ ମିଳିଛି। ଶତାଧିକ ଲୋକେ ଏକାଠି ହୋଇ ପୂଜା କରିଛନ୍ତି । ଗାଁରେ ଦୀର୍ଘ ଦିନ ହେବ ଝାଡ଼ାବାନ୍ତି ଆତଙ୍କ ଲାଗିରହିଛି । ଅନେକ ଲୋକ ହସ୍ପିଟାଲରେ ଚିକିତ୍ସିତ ହେଉଛନ୍ତି । ତଥାପି ରୋଗ ବ୍ୟାଧି ଦୂର କରିବା ପାଇଁ ପୂଜା ପାଠର ଆଶ୍ରା ନେଇଛନ୍ତି ଲୋକେ । ଗାଁର ଅନେକ ଆକ୍ରାନ୍ତ ବିଭିନ୍ନ ପ୍ରାଇଭେଟ୍ ହସ୍ପିଟାଲରେ ଚିକିତ୍ସିତ ହେଉଛନ୍ତି । ସିନ୍ଧେକେଲା ସିଏଚସିରେ ନୁଆ ଆକ୍ରାନ୍ତ ୩ ଓ ଜାମତରା ଅସ୍ଥାୟୀ ମେଡିକାଲ କ୍ୟାମ୍ପରେ ୨ ଜଣ ନୂଆ ଆକ୍ରାନ୍ତ ଚିକିତ୍ସିତ ହେଉଛନ୍ତି। ମୃତ୍ୟୁ ସଂଖ୍ୟା ୩ରେ ରହିଛି । ଆଗରୁ ଟିଟିଲାଗଡ଼, କଣ୍ଟାବାଞ୍ଜି, ଭବାନୀପାଟଣା, ବଲାଙ୍ଗୀର, ବିଷମକଟକ , ରାୟପୁର ଆଦି ସ୍ଥାନରେ ମଧ୍ୟ ବହୁ ଆକ୍ରାନ୍ତ ଚିକିତ୍ସିତ ହେଉଛନ୍ତି । ଗାଁରେ ଝାଡାବାନ୍ତି ଆକ୍ରାନ୍ତଙ୍କ ସଂଖ୍ଯା ଦିନକୁ ଦିନ ବଢୁଥିବାରୁ ଏବେ ପୂଜା ପାଠ ଉପରେ ଲୋକଙ୍କ ଭରସା।