ଜାତୀୟ ଦଳ ମାନ୍ୟତା ଦାବି କରି ହାଇକୋର୍ଟଙ୍କ ଦ୍ୱାରସ୍ଥ ହେଲା ଆପ୍

ବେଙ୍ଗାଲୁରୁ: ଗୁଜରାଟ ସାଧାରଣ ନିର୍ବାଚନ ପରେ ଆମ୍ ଆଦମୀ ପାର୍ଟି ଦାବି କରିଥିଲା କି ଆପ୍ ଜାତୀୟ ଦଳ ହୋଇଛି । କିନ୍ତୁ ଏପର୍ଯ୍ୟନ୍ତ ନିର୍ବାଚନ ଆୟୋଗଙ୍କ ତରଫରୁ ଜାତୀୟ ଦଳ ମାନ୍ୟତା ଦିଆଯାଇନାହିଁ । ଯାହା ଫଳରେ ଆପ୍ କର୍ଣ୍ଣାଟକ ହାଇକୋର୍ଟଙ୍କ ଦ୍ୱାରସ୍ଥ ହୋଇଛି ଆପ୍ ।

AAP କର୍ଣ୍ଣାଟକର ସଂଯୋଜକ ପୃଥ୍ୱୀ ରେଡ୍ଡୀଙ୍କ ତରଫରୁ କର୍ଣ୍ଣାଟକ ହାଇକୋର୍ଟରେ ପିଟିସନ୍ ଦାଖଲ କରାଯାଇଛି । ଏହି ପିଟିସନରେ କୁହାଯାଇଛି କି ଆମ୍ ଆଦମୀ ପାର୍ଟି ଜାତୀୟ ଦଳ ହେବା ପାଇଁ ସବୁ ସର୍ତ୍ତ ପୂରଣ କରୁଛି । କିନ୍ତୁ ଏହି ସବୁ ସତ୍ତ୍ୱେ ଜାତୀୟ ଦଳ ମାନ୍ୟତା ମିଳିବା ବିଳମ୍ବ ହେଉଛି । ତେବେ ଏହି ମାମଲାରେ ହାଇକୋର୍ଟ ନିର୍ବାଚନ କମିଶନଙ୍କୁ ନିର୍ଦ୍ଦେଶ ଦେଇଛନ୍ତି । ଏପ୍ରିଲ ୧୩ ତାରିଖ ସୁଦ୍ଧା ଏନେଇ ନିଷ୍ପତ୍ତି ନେବାକୁ ନିର୍ବାଚନ କମିଶନଙ୍କୁ କହିଛନ୍ତି ହାଇକୋର୍ଟ ।

ନିର୍ବାଚନ ଚିହ୍ନ ନିର୍ଦ୍ଦେଶ ୧୯୬୮ର ଧାରା ୬ ବି ଅନୁସାରେ ଯେ କୌଣସି ପାର୍ଟି ୪ରୁ ଅଧିକ ରାଜ୍ୟରେ ୬ ପ୍ରତିଶତରୁ ଅଧିକ ଭୋଟ ସେୟାର ରହିଥିବା, ସେହି ଦଳ ଜାତୀୟ ଦଳର ମାନ୍ୟତା ପାଇପାରିବ । ଆମ୍ ଆଦମୀ ପାର୍ଟି ଗତବର୍ଷ ଗୁଜରାଟ ନିର୍ବାଚନରେ ୧୪ ପ୍ରତିଶତ ଭୋଟି ପାଇବା ପରେ ଏହି ଯୋଗ୍ୟତା ହାସଲ କରିସାରିଛି । ତେଣୁ ଆପକୁ ନିଶ୍ଚିତ ଭାବରେ ଜାତୀୟ ଦଳ ମାନ୍ୟତା ମିଳିବ ବୋଲି କହିଛନ୍ତି ଆପ୍ ନେତା ବ୍ରିଜେସ୍ କଲପ୍ପା ।