ଚଣା ଶାଗ ଖାଇ ଜଣେ ମୃତ , ୩ ଗୁରୁତର
ନୟାଗଡ଼: ଚଣା ଶାଗ ଖାଇ ୩ ଜଣ ଗୁରୁତର ହୋଇଥିବା ବେଳେ ଜଣେ ଶିଶୁର ମୃତ୍ୟୁ ହୋଇଛି । ଏଭଳି ଏକ ଘଟଣା ଦେଖିବାକୁ ମିଳିଛି ନୟାଗଡ ଜ଼ିଲ୍ଲା ସରଣକୂଳ ଥାନା ବରସାହି ଗାଁରେ । ଗତକାଲି ସକାଳେ ସେ ଗାଁର ବାସନ୍ତୀ ମୁଦୁଲି ତାଙ୍କ ବିଲରୁ ଚଣା ଶାଗ ତୋଳି ଆଣିଥିଲେ । ତାଙ୍କ ବୋହୁ ସୁରେଖା ମୁଦୁଲି ଶାଗ ଭାଜି ପରିବାର ସଦସ୍ୟଙ୍କୁ ଖାଇବାକୁ ଦେଇଥିଲେ ।
ଖାଇବାର କିଛି ସମୟ ପରେ ଅପରାହ୍ନ ପ୍ରାୟ ୫ଟା ସମୟରେ ନାତୁଣୀ ଟୁଇଁକିଲିର ପ୍ରଥମେ ଝାଡା ବାନ୍ତି ହୋଇଥିଲା । ପରେ ଶାଶୁ ବାସନ୍ତୀ ପରେ ବୋହୁ ସୁରେଖା ଓ ସମୁଦୁଣୀ ଝୁନୁଙ୍କ ଝାଡା ବାନ୍ତି ହୋଇଥିଲା । ସାଙ୍ଗେ ସାଙ୍ଗେ ତାଙ୍କୁ ସରଣକୂଳ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ସେମାନେ ଗୁରୁତର ହେବାରୁ ଡାକ୍ତର ସାଙ୍ଗେ ସାଙ୍ଗେ ନୟାଗଡ ମେଡ଼ିକାଲ ପଠାଇଥିଲେ । ଏବଂ ସେଠାରେ ମଧ୍ୟ ସ୍ୱାସ୍ଥ୍ୟାବସ୍ଥା ନସୁଧୁରାବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଥିଲା ।
ଭୁବନେଶ୍ୱର ଯିବା ବାଟରେ ହିଁ ନାତୁଣୀ ଟୁଇଁକିଲର ମୃତ୍ୟୁ ହୋଯାଇଥିଲା । ଗୁରୁତର ଥିବା ପରିବାରର ଅନ୍ୟ ୩ଜଣ ସଦସ୍ୟଙ୍କ ସ୍ୱାସ୍ଥ୍ୟାବସ୍ତା ଭଲ ଥିବା ଡାକ୍ତର କହିଛନ୍ତି । ତେବେ ଶାଗ ଖାଇ ଏମିତି ହୋଇଥିବା ସନ୍ଦେହ କରାଯାଉଥିବା ବେଳେ ଡାକ୍ତର ଫୁଡ ପଏଜନ ହୋଇଯାଇଥିବା କହିଛନ୍ତି ।
