ଧିରେ ଧିରେ ସୁଧୁରୁଛି ମାଲକାନାଗିରିରେ ବନ୍ୟା ପରିସ୍ଥିତି, ଓଡ୍ରାଫ୍ ଟିମ ରହିଛି ସଜାଗ

1 min read

ମାଲକାନାଗିରି: ମାଲକାନଗିରି ରେ ଧୀରେ ଧୀରେ ସୁଧୁରୁଛି ବନ୍ୟା ପରିସ୍ଥିତି । ଗତକାଲି କାଲିମେଳାରୁ ମୋଟୁ ଯୋଗାଯୋଗ ବିଚ୍ଛିନ୍ନ ଥିବାବେଳେ ଆଜି ସକାଳୁ କାଲିମେଳା ଓ ମୋଟୁ କୁ ଯାତାୟତ ସ୍ୱାଭାବିକ ରହିଛି । ସମସ୍ତ ପୋଲରୁ ପାଣି ଧୀରେ ଧୀରେ କମିବାରେ ଲାଗିଛି । ବର୍ତ୍ତମାନ କେବଳ କନ୍ୟାଶ୍ରମ ଓ କାଙ୍ଗୁରକୋଣ୍ଡା ରେ ପୋଲ ଉପରେ ପାଣି ପ୍ରବାହିତ ହେଉଛି ।  କନ୍ୟାଶ୍ରମ ପୋଲରେ ପାଣି ପ୍ରବାହିତ ଥିବାରୁ ଛତିଶଗଡ଼କୁ ସଂଯୋଗ କରୁଥିବା ଜାତୀୟ ରାଜପଥ କାଲିମେଳା ଓ ପଡ଼ିଆକୁ ଯାତାୟତ ଏବେ ପର୍ଯ୍ୟନ୍ତ ବନ୍ଦ ରହିଛି । ଏଥିସହ ଜିଲ୍ଲା ପ୍ରଶାସନ , ସମସ୍ତ ବ୍ଲକ ପ୍ରଶାସନ ଏବଂ କାଲିମେଳା ଓଡ୍ରାଫ ଟିମ ତତ୍ପରତା ସହ ସଜାଗ ରହିଛନ୍ତି ।

ସୂଚନା ଅନୁଯାୟୀ, ମାଲକାନଗିରିରେ ଲାଗାଣ ବର୍ଷା ଯୋଗୁ ଗତକାଲି ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଲଗାଣ ବର୍ଷା କାରଣରୁ ବୁଡ଼ି ଯାଇଥିଲା ରାସ୍ତାଘାଟ ଓ ପୋଲ । ଗାଡିମୋଟର ଚଳାଚଳ ସମ୍ପୂର୍ଣ୍ଣ ଠପ୍ ରହିଥିଲା ଯାହା ଆଜି ସ୍ୱଭାବିକ ହୋଇଛି । ଏମ୍‌ଭି ୯୬ ପୋଲ ଉପରେ ଗତକାଲି ୫ ଫୁଟର ପାଣି ଚାଲୁଥିଲା । କାଲିମେଳା -ମୋଟୁ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇ ଆଜି ସୁଧୁରିଛି ।

Leave a Reply