ଜଳମଗ୍ନ କୋରାପୁଟ: କୁନ୍ଦୁରା ଜିଗାପୁରଠାରୁ ଜୟପୁର ରାସ୍ତା ବିଚ୍ଛିନ୍ନ, ଅନ୍ଧାରରେ ୧୦ ରୁ ଅଧିକ ଗାଁ

କୋରାପୁଟ: ଲଗାଣ ବର୍ଷାରେ ବେହାଲ କୋରାପୁଟ ଜିଲ୍ଲା। ଅଧିକ ବର୍ଷା ଯୋଗୁଁ  ଏକର ଏକର ଚାଷ ଜମି ଜଳମଗ୍ନ ହୋଇଛି। କୁନ୍ଦୁରା ଜିଗାପୁର ଠାରୁ ଜୟପୁରକୁ ରାସ୍ତା ବିଛିନ୍ନ ହୋଇଛି । ଅନ୍ଧାରରେ ରହିଛନ୍ତି ୧୦ ରୁ ଅଧିକା ଗ୍ରାମ । କୋରାପୁଟ ଜିଲ୍ଲା କୁନ୍ଦ୍ରା ବ୍ଲକର ପ୍ରାୟ ୩ ଟି ପଞ୍ଚାୟତରେ ସୃଷ୍ଟି ହୋଇଛି କୃତ୍ରିମ ବନ୍ଯା ପରିସ୍ଥିତି । ବ୍ଲକର ଦିଗାପୁର, ମସିା ଗାଁ, ଗୁମର ପଞ୍ଚାୟତର ପ୍ରାୟ ୧୫ ଖଣ୍ଡ ଗ୍ରାମର ଚାଷ ଜମିରେ ପାଣି ପସିଯାଇଛି । ଶନିବାର ରାତିଠାରୁ  ପ୍ରବଳରୁ ଅତି ପ୍ରବଳ ବର୍ଷା ହୋଇ ଜୟପୁର ଉପକ୍ଷଣ୍ଡ କୁନ୍ଦ୍ରା ଓ ଦିଗାପୁର ରାସ୍ତା ଯୋଗାଯୋଗ ବିଛିନ୍ନ ହୋଇଛି । ଫଳରେ ପ୍ରାୟ ୧୦ ଖଣ୍ଡ ଗ୍ରାମର ଲୋକ ପ୍ରଭାବିତ ହୋଇଛନ୍ତି । ଅଧିକାଂଶ ଗ୍ରାମରେ ଘର ଭାଙ୍ଗିଥିବାର ବି ସୂଚନା ରହିଛି ତା ସହିତ ଅନେକ ଗ୍ରାମରେ ବିଜୁଳି ସରଵାରହ ବନ୍ଦ ରହିଥିବା କହିଛନ୍ତି ସ୍ଥାନୀୟ ବାସିନ୍ଦା ।

ଚାଷ ଜମି ସହିତ ସମସ୍ତ କ୍ଷୟକ୍ଷତିର ଆକଳନ କରି କ୍ଷତିପୂରଣ ଦେବା ପାଇଁ ଅନୁରୋଧ କରିଛନ୍ତି ସ୍ଥାନୀୟ ବାସିନ୍ଦା ଓ ଚାଷୀ। କୋଟପାଡ ବିଧାୟକ ପରିସ୍ଥିତିକୁ ଅନୁଧ୍ଯାନ କରିଥିଲେ । ସ୍ଥାନୀୟ ବିଧାୟକ ପହଞ୍ଚି ଲୋକଙ୍କ ସହ ଆଲୋଚନା କରିବା ସହ ସମସ୍ତ ପ୍ରକାର ସୁବିଧା ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି।