ମହାନଦୀ ମଝିରେ ଫ୍ଲୋଟିଂ ରେଷ୍ଟୁରାଣ୍ଟ, ସେଥିରେ ନେଇପାରିବେ ରୋମାଟିଂ ଡିନରର ମଜା
1 min read
କଟକ: ମହାନଦୀରେ ବିଦେଶୀ ଟ୍ରାଭେଲର ମଜା। ମଦୀ ମଝିରେ ଡିମ୍ ଲାଇଟ୍ ଡିଜେ ସାଙ୍ଗକୁ ଟେଷ୍ଟି ଖାଦ୍ୟର ଅନୁଭତି। ପୁରା ରୋମାଣ୍ଟିକ୍ ଡିନରର ମଜା ନେଇପାରିବେ ଏବେ ମହାନଦୀ ମଝିରେ। କଟକ ମହାନଦୀ ରେ ଆରମ୍ଭ ହେବାକୁ ଯାଉଛି ରାଜ୍ୟର ପ୍ରଥମ ଫ୍ଲୋଟିଂ ରେଷ୍ଟୁରାଣ୍ଟ। ମହାନଦୀର ପ୍ରାକୃତିକ ସୌନ୍ଦର୍ଯ୍ୟ ସହ ନଦୀର ଗର୍ଭରେ ସୁସ୍ୱାଦୁ ଖାଦ୍ୟ ସହ ରଙ୍ଗୀନ ଲାଇଟ ସାଉଣ୍ଡର ମଜା ପାଇପାରିବେ ପର୍ଯ୍ୟଟକ। ଏଭଳି ରେଷ୍ଟୁରାଣ୍ଟ ନେଇ OTDC ର ପ୍ରସ୍ତୁତି ଶେଷ ହୋଇଛି। ଘରୋଇ ସଂସ୍ଥାର ସହଭାଗିତାରେ ରାଜ୍ୟରେ ପ୍ରଥମ ଥର ପାଇଁ ଓଟିଡିସି ଆରମ୍ଭ କରିଛି ଏହି ରେଷ୍ଟୁରାଣ୍ଟ। ଆସନ୍ତ ଦୁର୍ଗା ପୂଜା ରେ ଭରପୁର ମଜା ନେବେ ପର୍ଯ୍ୟଟକ।
ଏକ ବୋଟରେ ୫ କୋଟି ବ୍ୟୟରେ ନିର୍ମାଣ ହୋଇଛି ଏହି ଫ୍ଲୋଟିଂ ରେଷ୍ଟୁରାଣ୍ଟ। ବୋଟଟିକୁ ସମ୍ପୂର୍ଣ୍ଣ ନିଆରା ଡିଜାଇନ ଓ ଲୁକ ସହ ଇଣ୍ଟେରିଅର କାମ କରାଯାଉଛି। ବୋଟରେ ୮ଜଣ ବସିବା ସହ ମ୍ୟୁଜିକର ବ୍ୟବସ୍ଥା ହୋଇଛି। ଦୁର୍ଗା ପୂଜାରେ ଏହା ସର୍ବସାଧାରଣଙ୍କ ପାଇଁ ଖୋଲାଯିବ। ରେଷ୍ଟୁରାଣ୍ଟର ମଜା ଉଠାଇବାକୁ ହେଲେ OTDC କିମ୍ବା ସହଭାଗୀ ସଂସ୍ଥା ୱାଟର ସ୍ପୋର୍ଟସ ସିମ୍ପଲ ଇଣ୍ଡିଆ ସାଇଟରେ ବୁକ କରିପାରିବେ।
